အရက်မူးပြီး ကားမောင်းရာမှ ယာဉ်မတော်တဆမှုဖြစ်ပွားပြီး ရဲတွေရဲ့ စုံစမ်းစစ်ဆေးခြင်းခံနေရတဲ့ မင်းသမီး Kim Sae Ron

အသက် ၂၁ နှစ် အရွယ်ရှိပြီဖြစ်တဲ့ Kim Sae-ron က အရက်မူးပြီး ကားမောင်းလို့ ရဲက ဖမ်းဆီးလိုက်ပါတယ်။ မေလ ၁၈ ရက်နေ့ ဆိုးလ်မြို့ရှိ ဂန်းနမ်ရဲစခန်းက လမ်းစည်းကမ်း ဖောက်ဖျက်မှုနဲ့ Kim Sae-ron ကို စုံစမ်းစစ်ဆေးနေကြောင်း ထုတ်ပြန်ခဲ့ပါတယ်။

ရဲတပ်ဖွဲရဲ့ ပြောကြားချက်အရ မင်းသမီးက မေလ ၁၈ ရက် နံနက် ၈ နာရီခန့်က Hakdong နဲ့ Gangnam လမ်းဆုံရှိ အဆောက်အဦးတစ်ခုကို ဝင်တိုက်ခဲ့ပြီး ထွက်ပြေးဖို့ကြိုးစားခဲ့ရာမှ ရဲတွေရဲ့ ဖမ်းဆီးခြင်းခံခဲ့ရပါတယ်။ ထိခိုက်မှု ပြင်းထန်လွန်းတာကြောင့် မင်းသမီးရဲ့ ကားရှေ့ဘန်ကာလည်း ကွဲထွက်သွားတယ်လို့ မျက်မြင်သက်သေတွေက ပြောပါတယ်။

သူမကို breathalyzer test စစ်ဆေးဖိုလုပ်သော်လည်း သူမက ဆေးရုံတွင် သွေးစစ်ရန်တောင်းဆိုခဲ့တယ်လိုသိရပါတယ်။ Channel A နဲ့ Yohap တိုမှ အသေးစိတ်အချက်အလက်များအရ မင်းသမီးKim Sae Ron ဟာရဲတွေ မဖမ်းမိခင် လမ်းဘေးရှိ အကာအရံတွေနဲ့ သစ်ပင်များကို ၃ ကြိမ် ထက်မနည်းဝင်တိုက်ခဲ့တယ်လို့ ဖော်ပြထားပါတယ်။

Kim Sae-ron ဟာ ကလေးသရုပ်ဆောင်ဘဝကတည်းက နာမည်ကြီးခဲ့ပြီး လက်ရှိမှာတော့ အသက် 21 နှစ်ရှိပြီ ဖြစ်ပါတယ်။ “The Man From Nowhere” ဇာတ်ကားတွင် ပါဝင်ခဲ့ပြီးနောက် သူမက နာမည်ကြီးလာခဲ့တာဖြစ်ပြီး အခုလက်ရှိမှာလည်း အနုပညာအလုပ်တွေနဲ့ ဖျော်ဖြေရေးအစီအစဉ်တွေမှာ ပါဝင်သရုပ်ဆောင်ခဲ့ပါတယ်။

Photo Credit & Source : Kbizoom