အဆိုတော် လွှမ်းပိုင် နဲ့ အဆိုတော် Bobby Soxer လို့ပြောလိုက်ရင် Rap စာသားခပ်မိုက်မိုက် တွေနဲ့ ခပ်လန်းလန်း သီချင်းတွေ ကို အထာကျကျ သီဆိုရင်း ပရိတ်သတ်ရဲ့ချစ်ခင်အားပေးမှုကိုရရှိထားတဲ့အဆိုတော် နှစ်ဦးလို့ သိကြမှာပါ။
ဒါတင်သာမက လွှမ်းပိုင် နှင့် Bobby Soxer တို့နှစ်ဦးဟာ အနုပညာမှာသာစိတ်တူကိုယ်တူ ဖြစ်ကြရုံမဟုတ်ပဲ နှစ်ဦးစလုံးဟာ ချစ်သူတွေဖြစ်ကြပါတယ်။ သူတို့နှစ်ဦးဟာ ချစ်သူအဖြစ်ဖြတ်သန်းလာတာ နှစ်ပေါင်းများစွာကြာရှိနေပြီဖြစ်ပါတယ်။
ယမန်နေ့ မေလ(၁၇)ရက်နေ့ဟာ လွှမ်းပိုင် နှင့် Bobby Soxer တို့ နှစ်ဦးရဲ့ ချစ်သူသက်တမ်း(၁၃)နှစ် ပြည့်တဲ့နေ့ဖြစ်ပါတယ်။ သစ္စာတရား ၊ ချစ်ခြင်းတရား ၊ ဂရုစိုက်မှု တို့နဲ့ပြည့်စုံနေတဲ့ လွှမ်းပိုင် နဲ့ Bobby Soxer တို့ရဲ့ ချစ်ခြင်းဟာလည်း ဒီထက်မကနှစ်ပေါင်းများစွာ ကြာရှည်တည်မြဲပါစေလို့ ဆုတောင်းပေးလိုက်ရပါတယ်။