လူတွေဟာ ပတ်ဝန်းကျင်နှင့်နေထိုင်ရတဲ့အတွက် ကိုယ့်ကိုမုန်းတဲ့သူ သဘောကျတဲ့သူဆိုပြီးအမျိုးမျိုးရှိနေနိုင်ပါတယ်။ ဒီလိုအကြောင်းအရာတွေဟာ ကိုယ်ကရွေးချယ်လို့မရတာကြောင့် ကိုယ့်ကိုမုန်းတဲ့သူတွေကို အမြင်ကြည်လာအောင်ကြိုးစားဖို့မလိုအပ်ပါဘူး။ ဒီလိုလူတွေကို ဘယ်လိုကိုင်တွယ်ရမလဲဆိုတာကိုဖော်ပြပေးသွားပါမယ်။
တစ်ယောက်ယောက်ကကိုယ့်ကိုမုန်းတီးရတဲ့အကြောင်းရင်းက ကိုယ့်အမှားကြောင့်ဆိုရင်ပြန်တောင်းပန်ပြီးကြေအေးလို့ရနိုင်ပေမဲ့ ကိုယ့်အမှားမပါဘဲအသားလွတ်မုန်းနေတဲ့သူကိုတော့ တောင်းပန်စရာမလိုပါဘူး။ လူရင်းကမုန်းတီးတာက မနာလိုစိတ်ကြောင့်ဖြစ်နိုင်တာကြောင့် အဲ့လိုလူတွေကိုကိုယ့်ဘဝထဲကနေဖယ်ထုတ်လိုက်ပါ။ သူတို့နှင့်နီးကပ်စေမယ့်နေရာတွေကို အတတ်နိုင်ဆုံးရှောင်ကြဥ်ရပါမယ်။
ပြီးရင်တော့ သူတို့ကိုဥပက္ခာပြုထားလိုက်တာက အကောင်းဆုံးဖြေရှင်းနည်းပါပဲဖြစ်ပါတယ်။ သူတို့လုပ်သမျှအရာတိုင်းကိုအာရုံမစိုက်ဘဲ ကိုယ့်ဘေးမှာရှိတဲ့လူကောင်းတွေနှင့် သူတို့ကြောင့် ကိုယ်ဘယ်လောက်အဆင်ပြေနေကြောင်းကိုပဲ သိအောင်ပြသလိုက်ပါ။ ဒီလိုလုပ်လိုက်ခြင်းဟာသူတို့ရဲ့မုန်းတီးမှုဟာ ကိုယ့်အတွက်ဘာမှမဟုတ်ကြောင်းပြနေတာဖြစ်သလို ကိုယ့်ကိုချစ်ပေးတဲ့သူဘယ်လောက်များကြောင်း သူတို့သိနိုင်ဖို့အတွက်ဖြစ်ပါတယ်။
Bong I.T