တော်တော်များများဟာ Sheet Mask ကပ်ပြီးရင် ဒီအတိုင်းအိပ်လိုက်ကြတာများပါတယ်။ ဒါ့အပြင် မကပ်ခင်မှာလည်း အထူးတလည်ပြင်ဆင်မှုတွေမလုပ်ကြဘဲ ဒီအတိုင်းမျက်နှာသစ်ပြီးတာနှင့်ကပ်လိုက်ကြတာပါ။ ဒါပေမဲ့ Sheet Mask အစွမ်းကိုသေချာရဖို့ဆိုရင် မကပ်ခင်နှင့်ကပ်ပြီးအချိန်တွေမှာကြိုတင်ပြင်ဆင်မှုလေးတွေလုပ်သင့်ပါတယ်။
ပထမဆုံး Sheet Mask မကပ်ခင်မှာမျက်နှာကိုသေချာသန့်စင်ထားဖို့လိုအပ်ပါတယ်။ Mask ဟာအစိုဓာတ်ပေးဖို့အသုံးပြုတဲ့ပစ္စည်းဖြစ်တာကြောင့် မကပ်ခင်မှာတိုနာလိမ်းပေးခြင်းက အကျိုးအာနိသင်ပိုရှိစေနိုင်မှာပါ။ တိုနာကြောင့် Mask ရဲ့အာနိသင်ပိုရှိလာနိုင်သလို အစိုဓာတ်ကိုလည်းပိုကြာကြာထိန်းထားနိုင်မှာဖြစ်ပါတယ်။
Mask ကပ်ပြီးသွားနောက်မှာ Moisturizer လိမ်းတာကလည်း လုပ်ဖြစ်ရင် အသားအရေကိုပိုပြီးကောင်းမွန်လာစေနိုင်တဲ့အရာဖြစ်ပါတယ်။ ဒါပေမဲ့ အသားအရေအမျိုးအစားပေါ်ကိုလိုက်ပြီးတော့ ဒီအဆင့်တွေကိုမလုပ်လည်းအဆင်ပြေပါတယ်။ ကိုယ့်ရဲ့ကိုယ်ပိုင်အသားအရေအခြေအနေကိုကြည့်ပြီးတော့ အစိုဓာတ်ပိုလိုအပ်နေတယ်ဆိုရင် လုပ်ပေးနိုင်ပါတယ်။
Bong I.T