Comfort Zone ထဲကနေ ထွက်ဖို့စတင်နည်းများ

Comfort Zone  ဆိုတာ ကိုယ်သက်တောင့်သက်သာဖြစ်ပြီး ပိတ်မိနေတတ်တဲ့နေရာဖြစ်ပါတယ်။ လူအများစုဟာ ဒီလိုနေရာတွေမှာ အနေကြာသွားရင် တစ်ခြားနေရာတွေကိုထွက်သွားဖို့မစဥ်းစားတော့ဘဲ တစ်သက်လုံးဒီလိုနေရာမှာပဲပိတ်မိသွားတတ်ကြပါတယ်။ ဒါကြောင့် ဒီလို Comfront Zone  ထဲကနေ ထွက်စေနိုင်တဲ့နည်းလမ်းလေးတွေကိုဖော်ပြပေးသွားပါမယ်။

အရင်ဆုံးမတူညီတဲ့ မရင်းနှီးတဲ့အကြောင်းအရာတွေကိုစတင်စမ်းသပ်ခြင်းက Comfort Zone ကနေထွက်ဖို့လမ်းစပဲဖြစ်ပါတယ်။ အပေါင်းအသင်းအသစ်တွေထားပြီး မတူညီတဲ့လူတွေနှင့် မိတ်ဆက်ခြင်းက နည်းလမ်းကောင်းတစ်ခုဖြစ်ပါတယ်။ ဒါ့အပြင် မသွားဖူးတဲ့ စားသောက်ဆိုင်သွားတာ မတွေ့ဖူးတဲ့လူတွေနှင့်စကားပြောကြည့်တာမျိုးကလည်း Comfort Zone  ကနေရုန်းထွက်မှုကိုကူညီပေးနိုင်ပါတယ်။

ဒါ့အပြင် တစ်ခါမှကိုယ်မလုပ်ဖူးတဲ့အရာတွေကို စိန်ခေါ်ကြည့်ခြင်းကလည်း ကိုယ့်ရဲ့မမြင်ရသေးတဲ့ အရည်အချင်းတွေကို ဖော်ထုတ်စေနိုင်ပါတယ်။ ဒီလိုလုပ်ခြင်းအားဖြင့် ကိုယ့်ရဲ့ကန့်သတ်ချက်နှင့်ယုံကြည်ချက်တွေကိုပိုပြီးတိုးတက်လာစေနိုင်ပါတယ်။ ယုံကြည်ချက်တိုးလာရင် Comfort Zone  ထဲကနေထွက်ခွာဖို့ဆိုတာကလည်း ပိုလွယ်ကူသွားပြီးတော့ အလွယ်တကူဖြစ်လာမှာဖြစ်ပါတယ်။