မိဘတွေရဲ့ ကောင်းစေချင်လို့ဆိုတဲ့ ရိုက်နှက်ဆိုဆုံးမမှုတွေဟာ အခန့်မသင့်ရင်ကလေးငယ်ကိုမကောင်းတဲ့သက်ရောက်မှုတွေဖြစ်သွားစေနိုင်ပါတယ်။ သူတို့အနေနှင့်အချစ်မခံရဘူးလို့ခံစားမိသွားနိုင်သလို ရိုက်နှက်ခြင်းကို ကောင်းမွန်တဲ့အရာတစ်ခုလို့ထင်မှတ်သွားနိုင်ပါတယ်။ ကလေးတွေကိုချစ်ခင်ကြောင်း အမူအယာ လုပ်ဆောင်မှုတွေမပြခြင်းကလည်းအချစ်ငတ်ပြိးတော့ စိတ်အားငယ်သွားစေနိုင်ပါတယ်။
ပြီးတော့ ကလေးတွေရှေ့မှာ မိဘတွေရန်ဖြစ်တာ စကားများတာတွေကလည်း ကလေးငယ်ကိုစိတ်မလုံခြုံမှုခံစားရစေပြီး စိတ်ဒဏ်ရာဖြစ်စေနိုင်ပါတယ်။ မိဘတွေရဲ့အနေအထားနှင့်ပုံရိပ်တွေဟာ ကလေးတွေအတွက် သက်ရောက်မှုအများကြီးရှိတာကြောင့် သတိထားသင့်ပါတယ်။
ကလေးတွေကို သူတို့ကိုယ်ပိုင်အမြင်နှင့် သူတို့ရဲ့ဖြစ်တည်မှုကို အတင်းပြောင်းလဲပေးတာကလည်း ကောင်းမွန်တဲ့အရာမဟုတ်ပါဘူး။ ဒီလိုပြောင်းလဲခံလိုက်ရတဲ့ကလေးအများစုဟာ သူတို့ကိုယ်ပိုင်ယုံကြည်ချက်ကို လုံးဝဆုံးရှုံးသွားတတ်ကြပါတယ်။ စိတ်ရောကိုယ်ပါကျန်းမာတဲ့ကလေးတွေကို ပျိုးထောင်နိုင်ဖို့ဆိုရင် ကလေးတွေအနေနှင့် မိဘတွေအနေနှင့်အသေးစိတ်အကြောင်းအရာလေးတွေကအစ သတိထားပြီးဂရုစိုက်ရမှာဖြစ်ပါတယ်။
Bong I.T