ဆက်ဆံရေးမှာ တစ်ဖက်ကိုတစ်ဖက် ပိုင်ဆိုင်လိုစိတ်ဟာအနည်းနှင့်အများရှိနေတတ်ပါတယ်။ ဒါပေမဲ့ ပိုင်ဆိုင်လိုစိတ်ပြင်းထန်လွန်းတဲ့ချစ်သူတွေဟာ ကြောက်စရာကောင်းတဲ့အပြုအမူတွေရှိလာတတ်ကြပါတယ်။ Toxic ဖြစ်တဲ့အထိ Possessive ဖြစ်တဲ့ ချစ်သူတွေအကြောင်းကိုဖော်ပြပေးသွားပါမယ်။
အဲ့လိုလူတွေဟာ သင့်အတွက်ကိုယ်ပိုင်ဘဝဆိုတာမရှိစေဘဲ သူတို့လက်ထဲမှာပဲသင့်ဘဝကိုထိန်းချုပ်ထားချင်ကြပါတယ်။ ပိုင်ဆိုင်လိုစိတ်ကြီးလွန်းတာကြောင့် သင့်ရဲ့ဘေးနားကဘယ်သူကိုမဆိုသံသယတွေဝင်ပြီး စည်းမစောင့်ဘဲစွပ်စွဲပြောဆိုတတ်ကြပါတယ်။ မိတ်ပျက်ရတာ အားနာရတာမျိုးဖြစ်နိုင်တယ်ဆိုပြီး အကျိုးအကြောင်းနှင့်တွေးခေါ်နိုင်စွမ်းလည်းမရှိကြပါဘူး။
အမြဲသံသယဝင်နေတတ်တဲ့သူတို့ဟာ သင့်ပတ်ဝန်းကျင်ကသူတွေဆီ သင့်အကြောင်းကိုလိုက်စုံစမ်းတာ သင့်ရဲ့ဖုန်းကိုခွင့်ပြုချက်မတောင်းဘဲ သူတို့စိတ်ကြိုက်စစ်ဆေးတာမျိုးလုပ်တတ်ကြပါတယ်။
လမ်းခွဲရင်ကိုယ့်ကိုယ်ကိုယ်သတ်သေလိုက်မယ်ဆိုတဲ့ ခြိမ်းခြောက်စကားတွေနှင့် ဆက်ဆံရေးကိုမပျက်စီးအောင်အတင်းအကြပ်ထိန်းသိမ်းကြပါတယ်။ ဒီလိုစကားတွေဟာ ကြာလာရင် ဒီဆက်ဆံရေးကိုပိုပြီး Toxic ဖြစ်လာစေမှာဖြစ်ပါတယ်။
Bong I.T