မကြာသေးခင်က BBC သတင်းဌာနဟာတောင်ကိုးရီးယားနာမည်ကျော်ကေပေါ့အဖွဲ့တစ်ခုဖြစ်တဲ့ Seventeen အကြောင်းကိုသတင်းတစ်ပုဒ်ရေးသားခဲ့ပါတယ်။ သတင်းထဲမှာ Seventeen ဟာ UNESCO နှင့် Glastonburry Festival မှာပထမဆုံးဖျော်ဖြေမှုတွေလုပ်နိုင်တဲ့အဖွဲ့ဖြစ်ကြောင်းဖော်ပြခဲ့သလို အဖွဲ့ရဲ့နောက်ဆုံးထွက်ထားတဲ့ အယ်လ်ဘမ်အကြောင်းကိုလည်းဖော်ပြထားပါတယ်။
သတင်းထဲမှာ အဖွဲ့ရဲ့အဓိကပရိုဂျုဆာဖြစ်ပြီးတော့ အဖွဲ့ဝင်တစ်ယောက်လည်းဖြစ်တဲ့ Woozi ဟာ သီချင်းရေးသားရာမှာ AI ကိုအသုံးပြုပြီးရေးခဲ့တယ်ဆိုပြီးရေးထားတာဖြစ်ပါတယ်။ အမှန်တော့ ဝူဇီကသူ့အနေနှင့်ခေတ်မီနည်းပညာတွေကို မကြောက်သွားဘဲ သူတို့ကိုဘယ်လိုအသုံးပြုရမလဲဆိုတာကိုလေ့လာဖူးတယ်လို့အင်တာဗျုးမှာဖြေကြားခဲ့တာဖြစ်ပါတယ်။ အင်တာဗျုးအဖြေကိုသေချာမလေ့လာဘဲ အခုလိုမျိုးမှားယွင်းရေးသားခဲ့တာကြောင့် ပရိတ်သတ်တွေဟာပြင်းပြင်းထန်ထန်ဝေဖန်ပြီးတော့ တောင်းပန်ဖို့ပြောနေကြတာဖြစ်ပါတယ်။
သိပ်မကြာခင်မှာပဲ ဝူဇီကိုယ်တိုင်ကနေပြီး သီချင်းတွေဟာလူသားတွေရေးထားတာဖြစ်ကြောင်း AI ရေးတာမဟုတ်ကြောင်း အင်စတာဂရမ်စတိုရီကနေတစ်ဆင့် ပြန်ဖြေရှင်းခဲ့ပါတယ်။ ဒါ့အပြင် သူဟာ သူဖြေတဲ့အင်တာဗျုးအဖြေနှင့် BBC သတင်းထောက်လိုရာဆွဲရေးတာတွေကို ယှဥ်ပြပြီးတော့ပါ ပြန်ဖြေရှင်းခဲ့တာဖြစ်ပါတယ်။