အငိုလွယ်တတ်သူတွေဟာ အမှန်တော့ သူတို့ခံစားချက်တွေကိုသိုဝှက်မထားဘဲ ပွင့်လင်းတတ်ကြတဲ့သူတွေဖြစ်ပါတယ်။ စိတ်ညစ်စရာစိတ်ဖိစီးစရာကိစ္စတွေရှိရင် သိုဝှက်မထားဘဲ ငိုကြွေးရင်းဖြေဖျောက်လိုက်ကြတာကြောင့် စိတ်ဖိစီးမှုသိပ်မရှိတတ်ကြပါဘူး။ ဒါ့အပြင် ငိုလွယ်သူတွေမှာ သာမာန်လူတွေထက်ပိုမြင့်မားတဲ့ EQ ရှိကြပါတယ်။ အကြောင်းကတော့ သူတို့ဟာသူတို့ခံစားချက်တွေကို ပွင့်လင်းပြီး မထိန်ချန်ထားတတ်တာကြောင့် ဖြစ်ပါတယ်။
ဒီလိုလုပ်တတ်တာကြောင့် သူတို့ဟာကိုယ်ချင်းစာစိတ်လည်းမြင့်မားတဲ့သူတွေဖြစ်ပါတယ်။ လူတွေအတွက် မိတ်ဆွေကောင်းတွေဖြစ်ကြပြီးတော့ သူတို့ရဲ့ဘေးနားမှာရှိတဲ့ သူတွေကို သက်တောင့်သက်သာဖြစ်တဲ့ခံစားချက်ကိုပေးနိုင်ကြပါတယ်။ တစ်ဖက်သားရဲ့အခက်အခဲတွေကိုဝေဖန်တာမျိုး သိပ်မလုပ်ကြဘဲ အတော်လေးစာနာပေးနိုင်စွမ်းမြင့်မားကြတဲ့သူတွေပါ။
သူတို့အတွက်တော့ ဖုံးကွယ်ထားတဲ့မကောင်းတဲ့အဆိုးမြင်စိတ်တွေမရှိသလောက်ဖြစ်ပါတယ်။ ဒါ့ အပြင်တစ်ခြားလူတွေအပေါ်် ကိုလည်းစိတ်ရှင်းရှင်းနှင့်ပဲ ကြည့်မြင်တတ်ကြတဲ့သူတွေဖြစ်ပါတယ်။ သူတို့ကိုယ်တိုင်ကလည်း ကောင်းမွန်ပြီးနူးညံ့တဲ့စိတ်ထားတွေရှိတာကြောင့် ပတ်ဝန်းကျင်ကိုလည်း ကောင်းမွန်တဲ့ပုံရိပ်တွေနှင့်ပဲဆက်ဆံတတ်ကြပါတယ်။
Bong I.T