ချစ်စရာကောင်းလွန်းတဲ့ရို့စ်နှင့်လီဆာတို့ကြားက ချစ်ခင်မှုများ

BlackPink အဖွဲ့ဟာလတ်တလောမှာ တစ်ကိုယ်တော်လှုပ်ရှားမှုတွေကိုဦးစားပေးနေကြတာကြောင့် အဖွဲ့လိုက်လှုပ်ရှားမှုတွေကိုခဏတာရပ်ထားတာဖြစ်ပါတယ်။ တစ်ကိုယ်တော်အယ်လ်ဘမ်ထွက်ဖို့ ကြိုးစားနေကြတဲ့အဖွဲ့ဝင်တွေမှာ လီဆာဟာ Rockstar လို့ခေါ်တဲ့သီချင်းတစ်ပုဒ်ကိုထုတ်ဝေလိုက်ပါတယ်။ 

ထိုင်းမှာပဲရိုက်ကူးခဲ့တဲ့ Rockstar Mv ဟာ ပရိတ်သတ်တွေကိုအများကြီးအံ့ဩစေခဲ့ပြီးတော့ စံချိန်မှတ်တမ်းတွေအများကြီးကိုရခဲ့ပါတယ်။ စံချိန်တင်ကြည့်ရှုနှုန်းတွေအပြင် ဂီတဇယားတွေမှာလည်းအတော်လေးနာမည်ကြီးခဲ့တဲ့ လီဆာရဲ့ သီချင်းကို BlackPink အဖွဲ့ဝင်တွေကလည်း ဆိုရှယ်မီဒီယာကနေတစ်ဆင့်အားပေးခဲ့ကြတာဖြစ်ပါတယ်။

ရို့စ်ကတော့ အင်စတာဂရမ်မှာတင်ပေးရုံတင်မကဘဲ လီဆာဆီကိုကိုယ်တိုင်အရောက်လာပြီးတော့ Rockstar Challenge ကိုပါအတူရိုက်ကူးပေးခဲ့တာပဲဖြစ်ပါတယ်။ ရို့စ်ဟာ လီဆာနှင့်တွေ့ဖို့အတွက် LA ကိုရောက်နေတာဖြစ်ပြီးတော့ နှစ်ယောက်သားအတူရှိနေတဲ့ပုံလေးတွေဟာ BlackPink ကိုလွမ်းနေတဲ့ပရိတ်သတ်တွေကိုအများကြီးအလွမ်းပြေစေခဲ့ပါတယ်။