တောင်ကိုးရီးယားရဲ့နာမည်ကြီးရဲ့နာမည်ကြီး ရှိုးတစ်ခုဖြစ်တဲ့ Yoo Quiz on the Blocks ဟာ နာမည်ကြီးအနုပညာရှင်တွေမဖြစ်မနေလာရောက်ကြတဲ့ရှိုးတစ်ခုဖြစ်ပါတယ်။ တောင်ကိုးရီးယားပြည်တွင်းကနာမည်ကြီးအနုပညာရှင်တွေသာမက နိုင်ငံရပ်ခြားကအနုပညာရှင်တွေပါလာရောက်ကြတဲ့ဒီရှိုးကို ကမ္ဘာကျော်အဆိုတော်တစ်ယောက်ဖြစ်တဲ့ Billie Eilish လာရောက်မယ်ဆိုပြီးအတည်ပြုလိုက်တာဖြစ်ပါတယ်။
Billie Eilish ဟာသူ့ရဲ့အသစ်ထွက်တဲ့ စတူဒီယိုအယ်လ်ဘမ် Hit me Hard and Soft ဆိုတဲ့အယ်လ်ဘမ်အတွက်ပရိုမိုရှင်းအနေနှင့်အခုလိုလာရောက်မှာဖြစ်ပါတယ်။ နိုင်ငံ့ MC လို့တင်စားကြတဲ့ ယူဂျယ်ဆော့နှင့် နာမည်ကြီးဖျော်ဖြေရေးသမားဂျိုဆယ်ဟိုတို့ တင်ဆက်နေတဲ့ဒီရှိုးဟာ အရင်တုန်းကလည်းဟောလိဝုဒ်ကမင်းသားမင်းသမီးတွေကိုဧည့်သည်အဖြစ်လက်ခံဖူးတာရှိပါတယ်။
Billie Eilish လာရောက်သွားမှာကိုရှိုးရဲ့ကုမ္မဏီကအတည်ပြုခဲ့ပြီးတော့ ရိုက်ကူးရေးကတော့ ဇွန်လအလယ်လောက်မှာဖြစ်ပါတယ်။ Billie Eilish အနေနှင့် အခုတစ်ကြိမ်ပါလာတာဆိုရင် တောင်ကိုးရီးယားကို သုံးကြိမ်မြောက်လာရောက်တာဖြစ်ပြီးတော့ ၂၀၁၈ နှင့် ၂၀၂၂ တုန်းကလည်းတစ်ခေါက်စီလာရောက်ခဲ့သေးတာဖြစ်ပါတယ်။
Bong I.T