မင်းသမီးဆောရဲဂျီဟာနာမည်ကြီးဇာတ်ကားတွေအများကြီးကို နာမည်ကြီးမင်းသားတွေနှင့်တွဲဖက်ရိုက်ကူးဖူးတဲ့သူဖြစ်ပါတယ်။ ထိပ်တန်းမင်းသားကင်ဆိုဟျွန်းတို့လိုမင်းသားတွေနဲ့ပါတွဲဖက်ဖူးတဲ့သူမဟာ အနိုင်ကျင့်မှုနှင့် ရည်းစားဟောင်းမင်းသားနှင့်ပတ်သက်ပြီးပြဿနာတွေဖြစ်စေခဲ့ပါတယ်။
သူ့ရည်းစားဖြစ်တဲ့မင်းသားနှင့်အတူရိုက်တဲ့မင်းသမီးကိုပြဿနာရှာတာတွေအပါအဝင် ဝန်ထမ်းတွေကိုပါအနိုင်ကျင့်တယ်ဆိုပြီးသတင်းတွေထွက်လာတာကြောင့် အနုပညာလောကကနေအနားယူခဲ့ရပြီး ဆိုရှယ်မီဒီယာမှာပါပျောက်ကွယ်သွားခဲ့ပါတယ်။
သရုပ်ဆောင်ကောင်းတဲ့အပြင် နာမည်ကြီးနေချိန်မှာ အခုလိုပြဿနာတွေပေါ်လာပြီးပျောက်ကွယ်သွားရတာကြောင့် ပရိတ်သတ်တွေဟာ ဆောရဲဂျီကိုအတော်လေးစိတ်ပူခဲ့ကြပါတယ်။ ဒါပေမဲ့ အခုနောက်ပိုင်းမှာတော့ သူမဟာ တစ်ဖြေးဖြေးနှင့်ပရိတ်သတ်တွေကြားမှာပေါ်လာပြီးတော့ အင်စတာဂရမ်မှာလည်းပုံတွေပြန်တင်လာခဲ့ပါတယ်။ ပရိတ်သတ်တွေကတော့ မင်းသမီးအနေနှင့် အခုလိုပြန်လာဖို့ပြင်ဆင်နေတာကိုကြိုဆိုပြီး ပျော်ရွှင်နေကြပါတယ်။
Bong I.T