ဆံပင်အတွက် အဓိကရန်သူဖြစ်တဲ့ ဗောက်ဟာဆံသားအလှကို ပျက်စီးစေရုံသာမက တစ်ခြားပြဿနာတွေကိုပါဖြစ်စေနိုင်ပါတယ်။ ဒီလိုဗောက်ပြဿနာတွေအတွက် အဓိကအသုံးပြုနိုင်တဲ့ ဆံသားအားဖြည့်ဆီတွေကိုဖော်ပြပေးလိုက်ပါတယ်။ အုန်းဆီဟာ ဗောက်ဖြစ်စေတဲ့မှိုတွေကို ပျောက်ကင်းစေပြီးတော့ ဗောက်ကင်းစေရုံသာမက ဦးရေပြားကိုအေးမြစေတာကြောင့် ဆံသားအတွက် အတော်လေးအသုံးဝင်တဲ့ အဆီဖြစ်ပါတယ်။
ပင်စိမ်းနှင့်ရို့စ်မေရီအဆီတွေကလည်းပဲ ဆံသားအတွက်ကောင်းကျိုးတွေအများကြီးဖြစ်စေတဲ့အဆီတွေပါ။ အထူးသဖြင့် ပင်စိမ်းဟာဗောက်တွေဖြစ်ပေါ်စေတဲ့ မှိုတွေကိုအဓိကဆန့်ကျင်ပေးတဲ့ဓာတ်ရှိတာကြောင့် ဗောက်ထနေတဲ့ ဆံသားတွေအတွက် တစ်ကယ့်ဆေးစွမ်းကောင်းတစ်လက်ဖြစ်ပါတယ်။ လက်ဖက်စိမ်းနှင့်စပါးလင်အဆီတွေကလည်း ဗောက်တွေရှင်းသွားစေဖို့အတွက် အဓိကအသုံးဝင်တဲ့အဆီတွေဖြစ်ပါတယ်။
သံလွင်ဆီဟာလည်း ဗောက်ပြဿနာတင်မကဘဲ ဆံသားအတွက်ဖြစ်တတ်တဲ့ ပြဿနာမျိုးစုံကို ဖြေရှင်းပေးနိုင်တဲ့အဆီဖြစ်ပါတယ်။ ဒါကြောင့် သံလွင်ဆီတွေကို ဆံသားထုတ်ကုန်တော်တော်များများမှာတွေ့နေရတာဖြစ်ပါတယ်။ လာဗင်ဒါအဆီဟာလည်း မှိုတွေကိုတိုက်ဖျက်နိုင်တဲ့ဓာတ်ရှိတာကြောင့် ဗောက်ပြဿနာတွေအတွက် အသုံးပြုနိုင်ပါတယ်။ လာဗင်ဒါဟာ ဆံသားအဆီထိန်းတာနှင့် မွှေးရနံ့အတွက်ပါကောင်းမွန်တဲ့အကျိုးကျေးဇူးတွေရှိတဲ့အဆီဖြစ်ပါတယ်။
Bong I.T