ဆက်ဆံရေးတစ်ခုမှာဖောက်ပြန်ခြင်းက ဆက်ဆံရေးကိုလုံးဝဖျက်စီးနိုင်တဲ့အဆိုးဝါးဆုံးအဆင့် အဖြစ်သတ်မှတ်နိုင်ပါတယ်။ ဒါပေမဲ့ ဖောက်ပြန်တာမဟုတ်ဘဲ ဖောက်ပြန်တာလောက်ပြင်းထန်တဲ့လိမ်လည်မှုနှင့်အပြုအမူတွေလည်းရှိပါတယ်။ အပြန်အလှန်ပေးဆပ်တာမျိုးမလုပ်ဘဲ တစ်ဖက်ထဲကနေပဲပေးဆပ်နေခြင်းကလည်း ဆက်ဆံရေးကိုရေရှည်မှာပြဿနာပေါင်းမြောက်များစွာဖြစ်လာစေပါလိမ့်မယ်။
ဆက်ဆံရေးမှာအခြေအနေအရ ချစ်တာ စိတ်ဆိုးတာမျိုးရှိနေနိုင်ပေမဲ့ လိုအပ်မှသာချစ်ပြတာမျိုး အသုံးလိုမှချစ်သူခေါ်စေတာမျိုးဟာ လုံးဝမဖြစ်သင့်တဲ့အရာပါ။ ဒီလိုမျိုးဟာ တစ်ကယ်ချစ်နေတဲ့သူတွေလုပ်လေ့မရှိတဲ့အပြုအမူဖြစ်ပါတယ်။ အားနည်းချက်တွေကိုအပြန်အလှန်ဖြည့်တင်းပေးရင်းနေထိုင်တာမဟုတ်ဘဲ တစ်ဖက်ပါတနာရဲ့အားနည်းချက်ကိုချုပ်ကိုင်ပြီး အလိုရှိသလိုနေထိုင်စေခြင်းကလည်း အချစ်မဟုတ်ဘဲ အနိုင်ရလိုမှုတစ်ခုသက်သက်ပဲဖြစ်ပါတယ်။
ကတိဖျက်ခြင်းကလည်း ဆိုးဝါးပြီးတော့ ဆက်ဆံရေးကိုပျက်စီးသွားစေနိုင်တဲ့အကြောင်းအရာပါ။ အထူးသဖြင့် မကြာခဏကတိပျက်တာဟာ တစ်ဖက်လူကိုအလေးမထားပုံပေါ်စေပါတယ်။ ဒါ့အပြင် ဆက်ဆံရေးကိုအလေးမထားဘဲ မိသားစု သူငယ်ချင်းလူမှုရေးစတဲ့အကြောင်းပြချက်တွေနှင့် သွေးအေးနေခြင်းကလည်း ဆိုးဝါးလွန်းတဲ့အကြောင်းပြချက်တစ်ခုပဲဖြစ်ပါတယ်။
Bong I.T