ပရိုဂျုဆာ Shinsadong Tiger ဟာ တောင်ကိုးရီးယားကေပေါ့လောကမှာ အောင်မြင်တဲ့သီချင်းတွေအများကြီးကို ထုတ်လုပ်ခဲ့တဲ့သူဖြစ်ပါတယ်။ နာမည်ကြီးမိန်းကလေးအဖွဲ့ဖြစ်တဲ့ EXID အဖွဲ့ကိုမွေးထုတ်ပေးထားတဲ့ ပရိုဂျုဆာ ဟာ မကြာသေးခင်ရက်ပိုင်းတုန်းက သေဆုံးသွားကြောင်းသတင်းထွက်လာခဲ့ပါတယ်။
Shinsadong Tiger ဟာ EXID အဖွဲ့ရဲ့နာမည်ကြီးသီချင်းဖြစ်တဲ့ Up And Down ကိုရေးသားခဲ့တဲ့သူဖြစ်တဲ့အပြင် 4 Minute ရဲ့ Hot Issue နှင့် TARA ရဲ့ Roly Polyအစရှိတဲ့ သီချင်းတွေကိုပါ ရေးသားထုတ်ဝေခဲ့သူပါ။
သူဟာ ၂၀၂၁ တုန်းက မိန်းကလေးအိုင်ဒေါအဖွဲ့တစ်ဖွဲ့ဖြစ်တဲ့ TRI.BE ကိုပါမွေးထုတ်ထားခဲ့တာပါ။ လွန်ခဲ့တဲ့ရက်ပိုင်းကတင် TRI.BE အဖွဲ့အတွက် ပရိုမိုးရှင်းတွေကို သူ့ရဲ့အင်စတာဂရမ်ကနေ တင်ပေးနေခဲ့တာပါ။ သေဆုံးရတဲ့အကြောင်းကိုတော့ အခုချိန်ထိမသိရသေးပါဘူး။ TRI.BE အဖွဲ့ကလည်း ဒီသတင်းကြောင့် လတ်တလောလှုပ်ရှားမှုတွေအကုန်လုံးကိုရပ်နားကြောင်းစာတင်လာခဲ့ပါတယ်။
Bong I.T