အဘိုးအရွယ်ပရိတ်သတ်ကို ဖျော်ဖြေပွဲလာဖို့ဖိတ်ခေါ်ခဲ့တဲ့ အိုင်ယူ

အိုင်ယူဟာတောင်ကိုးရီးယားမှာအကျော်ကြားဆုံးလို့သတ်မှတ်နိုင်တဲ့ တစ်ကိုယ်တော်အဆိုတော်တစ်ယောက်ဖြစ်ပါတယ်။ ကလေးလေးတွေကစလို့ လူကြီးတွေပါသဘောကျကြတဲ့အိုင်ယူဟာ အသက်အရွယ်ကြီးတဲ့ပရိတ်သတ်‌တွေ အများကြီးပိုင်ဆိုင်ထားပါတယ်။ Zev Does K Drama လို့ခေါ်တဲ့ ယူ့ကျု့ချန်နယ်ဟာ အိုင်ယူကိုသဘောကျတဲ့ အဘိုးအရွယ်ပရိတ်သတ်တစ်ယောက်ရဲ့ချန်နယ်ဖြစ်ပါတယ်။

အသက်အတော်လေးကြီးနေပြီဖြစ်ပေမဲ့ Zev ဟာ အိုင်ယူရဲ့သီချင်းဗီဒီယိုတွေကို Reaction တွေလုပ်ပြီးတင်လေ့ရှိတာကြောင့် ပရိတ်သတ်တွေကြားမှာနာမည်ကြီးပါတယ်။ မကြာသေးခင်က Zev ကသူ့အနေနှင့် အိုင်ယူ Live သီချင်းဆိုတာကိုမြင်ချင်တာကြောင့်ဖျော်ဖြေပွဲကိုသွားချင်ပေမဲ့ လက်မှတ်ဝယ်ရမယ့်နည်းလမ်းမသိကြောင်းပြောခဲ့ပါတယ်။

ဒီအကြောင်းကို အိုင်ယူသိသွားပြီးတော့ ပရိတ်သတ်ဖြစ်တဲ့ အဘိုးကို ဖျော်ဖြေပွဲလာဖို့လက်မှတ်လက်ဆောင်ပေးခဲ့တာဖြစ်ပါတယ်။ IU ရဲ့ကုမ္မဏီဖြစ်တဲ့ EDAM Entertainment  ကုမ္မဏီကိုယ်တိုင်က Zev Does K Drama ချန်နယ်မှာကွန်းမန့်ပေးရင်း သူ့အတွက် အမေရိကမှာကျင်းပမယ့်ဖျော်ဖြေပွဲလက်မှတ်ကိုပြင်ဆင်ပေးတာဖြစ်ပါတယ်။