Marry My Husband ဒရာမာဟာ ဒရာမာမထွက်ခင်ကတည်းက မင်းသမီးဖြစ်တဲ့ ပတ်မင်းယောင်းရဲ့ကာရိုက်တာပုံတွေကြောင့် အတော်လေးလူပြောများခဲ့တာပါ။ ဒရာမာထွက်ပြီးနောက်ပိုင်းမှာလည်း အဓိကဇာတ်ဆောင်မင်းသားတွေအပြင် တစ်ခြား ဇာတ်ပို့တွေကြောင့်ပါ ဇာတ်လမ်းဟာလူစိတ်ဝင်စားမှုတွေကိုသိမ်းပိုက်နိုင်ခဲ့ပါတယ်။
ဒါပေမဲ့ အပိုင်း ၁၃ ရောက်လာတဲ့အချိန်မှာတော့ ဒရာမာဟာဝေဖန်မှုတွေဆက်တိုက်ပေါ်လာခဲ့ပါတယ်။ အကြောင်းကတော့ ဒရာမာဟာ အဆုံးပိုင်းရောက်လာလေဇာတ်လမ်းဟာ အရင်လက်စားချေဇာတ်လမ်းတွေလိုမျိုးအပ်ကြောင်းထပ်လာတာကြောင့်ပါ။
ဒါ့အပြင် မင်းသားနှင့်မင်းသမီးပျော်ရွှင်ရတဲ့အခန်းတွေသိပ်မရှိတဲ့အပြင် အပိုင်း ၁၆ ပဲရှိပေမဲ့ အခုချိန်ထိ လက်စားမချေနိုင်သေးတာကြောင့် ပရိတ်သတ်တွေက ဇာတ်လမ်းကိုစတင်ပြီးဝေဖန်လာကြတာဖြစ်ပါတယ်။ အပိုင်း ၁၃ ဟာအရင်အပိုင်းတွေထက်ကြည့်ရှုနှုန်းနည်းသွားပြီးတော့ ၁၀% ကျော်ပဲ ကြည့်ရှုနှုန်းရခဲ့တာဖြစ်ပါတယ်။