နေ့စဥ်ဘဝအရှုပ်အရှင်းတွေကြားမှာ အလွယ်တကူအိပ်မပျော်တာမျိုးဖြစ်လာတယ်ဆိုရင် အိပ်ပျော်နိုင်မယ့်နည်းလမ်းလေးတွေကိုဖော်ပြပေးသွားပါမယ်။ အိပ်ပျော်ခြင်းဟာ ခန္တာကိုယ်အတွက်ကောင်းမွန်တဲ့စွမ်းအားတွေကို ပြန်ရနိုင်အောင်လုပ်ပေးတဲ့နည်းလမ်းပါ။ အရင်ဆုံးအိပ်ရာဝင်တာနှင့် အဆင်ပြေပြေအိပ်ပျော်ချင်တယ်ဆိုရင် အိပ်ချိန်ကိုအတည်တကျလုပ်ထားတဲ့အကျင့်ရှိဖို့လိုအပ်ပါတယ်။
အိပ်မယ့်နေရာကို ဆူညံသံနှင့်အလင်းရောင်တွေသေချာမမြင်ရတဲ့ မနှောင့်ယှက်နိုင်တဲ့နေရာဖြစ်အောင်လုပ်ထားသင့်ပါတယ်။ ဒါ့အပြင် အိပ်ရာခင်း ခေါင်းအုံးအစရှိတဲ့အရာတွေကိုလည်း သေချာသန့်ရှင်းအောင်ပြင်ဆင်ထားသင့်ပါတယ်။ အိပ်စက်တဲ့အခန်းရဲ့အပူချိန်နှင့်တစ်ခြားလိုအပ်ချက်တွေကိုလည်း သေချာတွေးထားပြီးတော့ အဆင်ပြေအောင်စီစဥ်ထားမှသာ အိပ်တဲ့အချိန်ကောင်းကောင်းအိပ်ပျော်နိုင်မှာပါ။
ဒါ့အပြင် အိပ်ခါနီးမှာ အစားအသောက်တွေစားတာ အချိုရည်တွေသောက်တာတွေကိုမလုပ်သင့်ပါဘူး။ အကြောင်းကတော့ ဒီလိုတွေလုပ်ခြင်းဟာ အိပ်စက်ခြင်းကိုအတော်လေးထိခိုက်စေမယ့်အပြင် ကျန်းမာရေးအတွက်ပါမကောင်းတာကြောင့်ဖြစ်ပါတယ်။
Bong I.T