ဆံပင်ကိုခဏခဏညှပ်ရင် အရှည်ပိုမြန်မယ်ဆိုပြီး လူအများစုကယူဆထားကြပါတယ်။ အမှန်တော့ ဆံပင်အရှည်မြန်ဖို့ဟာ ဆံပင်နှင့်မသက်ဆိုင်ဘဲ ဆံပင်ပေါက်တဲ့ဦးရေပြားအောက်ကအရာနှင့်သာသက်ဆိုင်တာပါ။ ဦးရေပြားကနေထိုးထွက်လာတဲ့ ဆံပင်တွေဟာ နောက်ထပ်အသစ်ထွက်လာမယ့်ဆံသားတွေပေါ်အကျိုးသက်ရောက်မှုမရှိပါဘူး။
လူအများစုရဲ့ဆံပင်ဟာ တစ်လကို လက်မဝက်လောက်ရှည်တတ်ပါတယ်။ ဒါပေမဲ့ မျိုးရိုးဗီဇအပါအဝင် စားသောက်နေထိုင်မှုတွေကိုလိုက်ပြီးတော့ တစ်ချို့တွေကတော့ တစ်လက်မကျော်လောက်အထိရှည်နိုင်ပါတယ်။ ဆံပင်အရှည်မြန်ဖို့အတွက်ဆို ဆံပင်ကိုခဏခဏညှပ်ပေးတာထက် ဆံသားအားဖြည့်ဆေးနှင့်အစားအသောက်ကိုဂရုစိုက်တာက မှန်ကန်တဲ့နည်းလမ်းပါ။
ဒါပေမဲ့ ဒီလိုခဏခဏညှပ်ပေးခြင်းဟာ ဆံသားအဖျားတွေနှစ်ခွဖြစ်တာကိုသက်သာစေပြီးတော့ ဆံပင်ကို ပိုပြီးပုံကျလှပစေနိုင်ပါတယ်။
Bong I.T