လက်ရှိထုတ်လွှင့်ပြသနေဆဲဖြစ်တဲ့ Marry My Husband ဒရာမာရဲ့အဓိကမင်းသမီးပတ်မင်းယောင်းဟာ ကင်ဆာရောဂါခံစားနေရသူတွေအတွက် ဝမ်သန်းတစ်ရာလှူဒါန်းမှုလုပ်ခဲ့ပါတယ်။ ဒရာမာထဲမှာ ပတ်မင်းယောင်းဟာ ကင်ဆာရောဂါသည်အဖြစ်ပါဝင်သရုပ်ဆောင်ခဲ့တာကြောင့် အခုလိုလှုဒါန်းမှုလုပ်ဖြစ်ခဲ့တာလို့ ဆိုထားပါတယ်။
မင်းသမီးဟာ ဒရာမာထုတ်လွှင့်နေတုန်းမှာလည်း ချစ်သူဟောင်းဖြစ်သူထံကနေ တရားမဝင်ငွေကြေးတွေလက်ခံထားခဲ့တယ်ဆိုတဲ့ စွပ်စွဲချက်တွေကြုံခဲ့ရပါသေးတယ်။ ဒီလှူဒါန်းမှုဟာ ပတ်မင်းယောင်းရဲ့ပထမဆုံးလှူဒါန်းမှုမဟုတ်ပါဘူး။ သူဟာ ၂၀၂၂ နှင့် ၂၀၁၉ ခုနှစ်တွေမှာလည်း လှူဒါန်းမှုတွေလုပ်ခဲ့ပါသေးတယ်။
လက်ရှိအချိန် Marry My Husband ဒရာမာဟာ တစ်ခြားဒရာမာတွေရဲ့ကြည့်ရှုနှုန်းကိုကျော်လွန်ပြီးတော့ မြင့်မားတဲ့ကြည့်ရှုနှုန်းတွေရနေတာဖြစ်ပါတယ်။ နောက်ဆုံးထုတ်လွှင့်ခဲ့တဲ့ အပိုင်း ၁၂ ဟာဆိုရင် ကြည့်ရှုနှုန်း ၁၃ ရာခိုင်နှုန်းအထိတောင်ပိုင်ဆိုင်နိုင်ခဲ့တာဖြစ်ပါတယ်။
Bong I.T