ဆက်ဆံရေးတွေမှာ တစ်ဖက်ပါတနာဖြစ်သူကို အသိပေးခြင်းမရှိဘဲပျောက်ကွယ်သွားခြင်းက Ghosting လုပ်တာပဲဖြစ်ပါတယ်။ ချစ်သူဆက်ဆံရေး ဒါမှမဟုတ် သူငယ်ချင်းတွေကြားမှာလည်း ရုတ်တရက်အကြောင်းပြချက်တစ်စုံတစ်ရာမရှိဘဲ အဆက်အသွယ်အကုန်လုံးကိုဖြတ်တောက်ပစ်ပြီး ပျောက်ကွယ်သွားတာမျိုးဖြစ်ပါတယ်။
ဒီလို Ghosting လုပ်ခြင်းက တစ်ဖက်လူကိုမလေးစားရာကျတဲ့အပြင် မကောင်းတဲ့ခံစားချက်နှင့်လွှမ်းမိုးမှုတွေရှိစေပါတယ်။ အများအားဖြင့် လမ်းခွဲစကားပြောရမှာကိုမကြိုက်တဲ့သူတွေ မပြောရဲတဲ့သူတွေနှင့် ဆက်ဆံရေးကိုအလေးမထားတဲ့သူတွေဟာ ဒီလိုတိတ်တဆိတ်ပျောက်ကွယ်သွားပြီး လမ်းခွဲရတာကသူတို့အတွက် အကောင်းဆုံးလမ်းခွဲနည်းဖြစ်တယ်လို့ခံယူထားကြတာဖြစ်ပါတယ်။ ဒီလို လမ်းခွဲတာမျိုးကို အင်တာနက်လိုမျိုးနေကနေစတင်တွေ့ဆုံပြီး ချစ်ကြိုက်ကြတဲ့အတွဲတွေဆီမှာအများဆုံတွေ့ရပါတယ်။
Ghosting လုပ်တဲ့သူအနေနှင့် လုပ်လိုက်ခြင်းအားဖြင့် ဖြေရှင်းရမယ့် ပြဿနာတွေ စကားများမှုတွေ ဒေါသတွေကို မကြုံတွေ့ရဘဲ အေးဆေးအဆုံးသတ်နိုင်တဲ့နည်းလမ်းလို့ယူဆထားတတ်ကြပါတယ်။ ဒါပေမဲ့ Ghosting ခံရတဲ့သူအတွက်တော့ ဘာဖြစ်သွားမှန်းတောင် သေချာမသိလိုက်တဲ့အချိန်မှာ ဆက်ဆံရေးတစ်ခုလုံးက တုံးတိကြီးအဆုံးသတ်သွားသလိုဖြစ်နေမှာပါ။ ဒါ့အပြင် အကြောင်းအရင်းတစ်စုံတစ်ရာမှလည်း သေချာမသိရတာကြောင့် စိတ်ထဲမတင်မကျဖြစ်နေပြီး အချိန်အကြာကြီးခံစားရနိုင်ပါတယ်။
လက်ရှိအချိန်လို ဆက်ဆံရေးတွေနှင့်ပတ်သက်ပြီး ပွင့်လင်းလွန်းတဲ့အချိန်ဖြစ်နေတာတောင် Ghosting ကို လမ်းခွဲခြင်းနည်းလမ်းတစ်ခုအဖြစ်အသုံးပြုနေကြတဲ့သူတွေရှိပါတယ်။ ဆက်ဆံရေးပညာရှင်တွေရဲ့ သုံးသပ်ချက်အရတော့ ဒီနည်းလမ်းကိုသုံးပြီး လမ်းခွဲကြတဲ့သူအများစုဟာ ဆက်ဆံရေးတွေနှင့်ပတ်သက်တဲ့ စိတ်ဒဏ်ရာလိုမျိုးရှိနေတာကြောင့် ဖြစ်နိုင်တယ်လို့ပြောကြပါတယ်။
Bong I.T