YG ကုမ္မဏီကနေပြီးတော့ မကြာသေးခင်ကကြေညာခဲ့တဲ့အဖွဲ့အသစ်ဖြစ်တဲ့ BABYMONSTER ကတော့ လက်ရှိအချိန်ပရိတ်သတ်တွေအစောင့်မျှော်ဆုံး အဖွဲ့သစ်တစ်ဖွဲ့ပဲဖြစ်ပါတယ်။ စီနီယာဖြစ်တဲ့ BlackPink တို့လိုမျိုးကမ္ဘာတစ်လွှားကိုထိုးဖောက်နိုင်မလားဆိုပြီး စောင့်ကြည့်နေကြတဲ့ BABYMONSTER ဟာပွဲဦးမထွက်ရသေးခင်မှာပဲ အကြီးအကျယ်ဝေဖန်ခံနေရပြီဖြစ်ပါတယ်။
BABYMONSTER အဖွဲ့ဝင်ဖြစ်တဲ့ Ahyeon ဟာ ကျောင်းကပွဲတစ်ခုမှာ သီချင်းတစ်ပုဒ်ကို ဖျော်ဖြေခဲ့ပါတယ်။ သီချင်းထဲမှာ လူမျိုးရေးခွဲခြားတဲ့အသုံးအနှုန်းတွေကို မဖျောက်ဘဲ တိုက်ရိုက်ဆိုခဲ့တာကြောင့် လူထုက Ahyeon ကိုပြင်းပြင်းထန်ထန်ဝေဖန်နေတာဖြစ်ပါတယ်။ အဖွဲ့ထဲကနေထုတ်ပယ်ဖို့အထိပါ တောင်းဆိုနေတဲ့သူတွေရှိပါတယ်။
ပရိတ်သတ်တွေကတော့ ၁၆ နှစ်ပဲရှိသေးတဲ့ကောင်မလေးကိုမတော်တဆအမှားတစ်ခုကြောင့်နှင့် ပြင်းပြင်းထန်ထန်မဝေဖန်သင့်ကြောင်း ပြောပြီး ကာကွယ်ပေးနေကြပါတယ်။ ဒီလိုပြင်းထန်နေတဲ့ အခြေအနေမှာတောင် YG အင်တာတိန်းမန့်ရဲ့ တာဝန်ရှိသူတွေကတော့ အခုချိန်ထိတစ်စုံတစ်ရာဖြေရှင်းခြင်းမရှိသေးပါဘူး။
သတင်း အရင်းအမြစ်៖ www.allkpop.com