မိသားစုထဲက အလတ်တွေမှာရှိတတ်တဲ့ စိတ်ထားနှင့်အပြုအမူများ

မိသားစုတစ်ခုထဲက ကလေးတွေမှာအကြီးဆုံးနှင့်အငယ်ဆုံးတွေဟာ အချစ်အခံရဆုံးနှင့် ဂရုစိုက်ခံရဆုံးတွေဖြစ်တတ်ပါတယ်။ လေ့လာမှုတွေအရဆို မောင်နှမတွေထဲမှာ အလတ်ဖြစ်သူတော်တော် များများဟာ Middle Child Syndrom လို့ခေါ်် တဲ့အပြုအမူနှင့်စိတ်ထားတွေရှိတတ်ကြပါတယ်။

အလတ်တွေဟာ များသောအားဖြင့် မိသားစုဝင်တွေနှင့်ရင်းနှီးကျွမ်းဝင်တာ ပွင့်လင်းတာတွေမှာ တစ်ခြားသူတွေထက်ပိုပြီးနှေးကွေးတတ်ကြပါတယ်။ သူတို့ရဲ့ခံစားချက်တွေကိုတော်ရုံမထုတ်ပြကြဘဲ မိဘတွေနှင့်လည်းတစ်ခြားမောင်နှမတွေနှင့်ယှဥ်ရင် အနေဝေးတတ်ကြပါတယ်။

ပြီးတော့ သူတို့ဟာပြဿနာတော်တော် များများကိုကိုယ်တိုင်ကိုယ်ကျပဲ ကြိတ်ဖြေရှင်းကြပြီး မိသားစုဝင်နှင့်တစ်ခြားသူတွေကိုအားကိုးတာနည်းပါတယ်။လေ့လာချက်တွေအရဆို အလတ်ဖြစ်ခြင်းက ကိုယ်ရည်ကိုယ်သွေးနှင့်ဘဝလမ်းကြောင်းအပေါ် သိသာတဲ့သက်ရောက်မှုတော့မရှိပေမဲ့ ငယ်ဘဝကိုတော့ အနည်းအကျဥ်းသက်ရောက်စေတယ်လို့သိရပါတယ်။

ပုံမှန်အားဖြင့် အလတ်တွေဟာမိဘဆီကနေ နွေးထွေးမှုနှင့်အချစ်တွေကိုအလုံအလောက်မရခဲ့တာကြောင့် မနာလိုတတ်တဲ့စိတ်ထားမျိူးရှိပါတယ်။ ဒါပေမဲ့ဒီခံစားချက်ကိုဖော်ထုတ်ဖို့ကိုဝန်လေးကြပြီး ကိုယ်တစ်ယောက်ပဲသိမ်းဆည်းထားတတ်ကြတဲ့သူတွေဖြစ်ပါတယ်။

ပြီးတော့ သူတို့ဟာသူတို့ကိုယ်သူတို့မပေါ်လွင်ဘူးလို့အမြဲခံစားတတ်ကြပြီးတော့ တစ်ခြားမောင်နှမတွေအပေါ် အနစ်နာခံဖို့နှင့် အနွံတာခံဖို့ကိုသူတို့တာဝန်တစ်ခုလိုပဲယူဆထားတတ်ကြပါတယ်။

ဒေါသလွယ်လွယ်မထွက်တတ်ကြတဲ့အပြင် တစ်ကယ်ဒေါသထွက်ပြီဆိုရင်လည်း လူတိုင်းကြောက်ရတဲ့အထိ စိတ်ကြီးပြီးဒေါသလည်းကြီးတတ်ကြပါတယ်။ အမှန်တော့ အလတ်တွေဟာ ဥပေက္ခာပြုခံထားရတဲ့ခံစားချက်ကိုအရမ်းမုန်းတတ်ကြပြီးတော့ အချစ်ခံချင်စိတ်ပြင်းပြတတ်တဲ့သူတွေပဲဖြစ်ပါတယ်။