အချစ်သစ်ထပ်ရှာစရာမလိုအောင် ပေါ့ပါးစွာပျော်ရွှင်နိုင်ကြောင်း သက်သေပြလိုက်တဲ့ Hye Kyo

တောင်ကိုရီးယားမင်းသား Song Joong Ki နဲ့အတူ လက်ရှိမှာ စိတ်ဝင်စားမှု မြင့်တင်ခြင်း ခံနေရတဲ့သူကတော့ မမSong Hye Kyo ပဲ ဖြစ်ပါတယ်။ Song Hye Kyo က Song Joong Ki  လက်ထပ်ပြီးသွားတဲ့အချိန်ကနေစပြီးတောက်လျောက်ဆိုသလို ပရိသတ်တွေရဲ့ စောင့်ကြည့်ခြင်းကို ခံနေရတဲ့သူဖြစ်ပါတယ်။ ဒီကနေ့မှာတော့ မမSong Hye Kyo က သူငယ်ချင်းတွေနဲ့အတူ လွတ်လပ်စွာ ပျော်ရွှင်နေတဲ့ ပဲရစ်မြို့ရဲ့ နောက်ဆုံး အမှတ်တရဓာတ်ပုံလေးတွေကို စိတ်ပူနေတဲ့ ပရိသတ်တွေ အတွက် တင်ပေးလာခဲ့ပါတယ်။ 

အဆိုပါ ဓာတ်ပုံလေးတွေ ထဲမှာ ပရိသတ်တွေ စိတ်ဝင်စားနေတဲ့ ဓာတ်ပုံလေးတစ်ပုံ ရှိလို့နေပါတယ်။ အဲဒီ ဓာတ်ပုံလေးထဲမှာ မမ Song Hye Kyo က အမျိုးသားတစ်ယောက်ကို ဖက်ပြီး ဓာတ်ပုံအတူတွဲရိုက်ထားတာဖြစ်ပါတယ်။ 

စုံစမ်းရှာဖွေမှုတွေအရ Song Hye Kyo နဲ့အတူ ဓာတ်ပုံတွဲရိုက်ထားတဲ့ အမျိုးသားက hairstylist တစ်ယောက်ဖြစ်ပြီး အိမ်ထောင်ရှိတဲ့သူတစ်ယောက်ဖြစ်တယ်လို့ သိရပါတယ်။ Song Hye Kyo က မာန မရှိဘဲ Male Staff တစ်ယောက်ကို အခုလိုမျိုး ရင်းရင်းနှီးနှီး ဆက်ဆံပေးတာကြောင့်လည်း ပရိသတ်တွေက များစွာ အချစ်ပိုနေကြပါတယ်။ 

နောက်ထပ် ဓာတ်ပုံလေးတွေထဲမှာလည်း Song Hye Kyo က အပူအပင်မရှိဘဲ သူငယ်ချင်းတွေနဲ့ လွတ်လပ်စွာနဲ့ပျော်ရွှင်နေတာဖြစ်ပါတယ်။ 

အချစ်သစ်ထပ်မရှာဘဲနဲ့လည်း တစ်ယောက်တည်း ပျော်ရွှင်နိုင်တဲ့ Song Hye Kyo ရဲ့ အပြုံးလေးတွေကို ဓာတ်ပုံလေးတွေထဲမှာ အတိုင်းသား မြင်တွေ့ရပါတယ်။ 

လက်ရှိမှာ စိတ်ဝင်စားခံနေရတဲ့ မမ Song Hye Kyo ရဲ့ နောက်ဆုံး update အကြောင်းအရာလေးကို ပရိသတ်ကြီးအတွက်ဝေမျှပေးလိုက်ပါတယ်။