ကိုရီးယားနိုင်ငံရဲ့ ထိပ်တန်းမင်းသားတစ်ယောက်ဖြစ်တဲ့ Song Joong Ki ကတော့ မကြာသေးမီကပဲ ချစ်သူအသစ်လေးဖြစ်တဲ့ ဗြိတိန်သူလေးနဲ့တွဲနေကြောင်း တရားဝင်ကြေညာခဲ့ပါတယ်။ တချို့ပရိသတ်တွေကလည်း ဝိုင်းပြီးဂုဏ်ပြုပေးခဲ့ကြသလို တချို့ကလည်း ဝေဖန်မှုတွေ ရှိခဲ့ကြပါတယ်။
ဒါပေမယ့် ဒီနေ့ ဇန်နဝါရီ ၃၀ ရက်မှာပဲ မင်းသား Song Joong Ki ဟာ သူ့ရဲ့ တရားဝင် ဖန်ကဖေးမှာ Katy Louise Saunders နဲ့လက်ထပ်လိုက်ပြီဖြစ်တဲ့အကြောင်း စာတစ်စောင်ရေးသားပြီး ကြေညာလိုက်ပါတယ်။
“သူ့ကိုအားပေးပြီး အချိန်အတူတူ ကုန်ဆုံးတဲ့ Katy Louise Saunders ကို သူ့ရဲ့ကျန်ရှိတဲ့ဘဝအချိန်တွေကို အတူတူကုန်ဆုံးပါ့မယ်လို့ ကတိပေးခဲ့တဲ့အကြောင်းကိုလည်း စာထဲမှာဖော်ပြပါတယ်။ Katy မှာ ကြင်နာတဲ့နှလုံးသားရှိပြီး နှစ်လိုဖွယ်ကောင်းတဲ့ဘဝကိုလည်း ဦးဆောင်နေသူဖြစ်တဲ့အကြောင်း၊ သူဟာ ပညာရှိပြီး သူလေးစားရတဲ့ ထူးခြားတဲ့သူဖြစ်တယ်လို့လည်း ဆိုပါတယ်။
ဇန်နဝါရီ ၃၀ ရက်မှာပဲ သူတို့နှစ်ယောက်ဟာ လက်ထပ်မှတ်ပုံတင်ခဲ့ပြီလို့ သိရပါတယ်။ ဒါ့အပြင် ကောင်မလေးမှာလည်း ကိုယ်ဝန်ရှိနေပြီဖြစ်ကြောင်း သိရပါတယ်။
သတင်း အရင်းအမြစ်៖ allkpop