မျက်စိကွယ်လုနီးပါး ဖြစ်ပြီးနောက်မှာ ပရိသတ်ရှေ့ပြန်ရောက်လာတော့မယ့်ဂျူမုံမင်းသားကြီး

ဂျူမုံလို့ လူသိများတဲ့ တောင်ကိုရီးယားမင်းသားကြီး Song IL kook ဟာဆိုရင် ကျန်းမာရေးအခြေအနေကြောင့်အချိန်အတော်ကြာ အနုပညာလှုပ်ရှားမှုတွေကနေ ပျောက်ကွယ်သွားပြီးတဲ့နောက်မှာ 42nd street ပြဇာတ်နဲ့ပရိသတ်တွေ အရှေ့ကို ပြန်ရောက်လာတော့မယ်လို့ သိရပါတယ်။

Song IL kook က မျိုးရိုးလိုက် မျက်စိရောဂါဝေဒနာ ခံစားနေရတာဖြစ်ပြီး အချိန်မီ မကုသပါက မျက်လုံးကန်းတဲ့အထိ ဖြစ်သွားစေနိုင်တယ်လို့ ဆရာဝန်ဆီကနေ မှတ်ချက်ရထားတဲ့သူဖြစ်ပါတယ်။

 ကျန်းမာရေးအခြေအနေကြောင့် Song IL kook က ၂၀၁၆ ခုနှစ်ကတည်းက အနုပညာလှုပ်ရှားမှုတွေ ၊ ဇာတ်လမ်းရိုက်ကူးမှုတွေထဲမှာ ထည်ထည်ဝင်ဝင် ပါလေ့ပါထ မရှိတော့ဘဲ ပြဇာတ်တွေမှာသာ ပါဝင်ခဲ့တာဖြစ်ပါတယ်။

မင်းသားကြီး Song IL kook က ၂ နှစ်ကြာ အနုပညာလှုပ်ရှားမှုတွေအားလုံးကနေ အနားယူထားပြီးနောက်မှာ အခုလိုမျိုး ပြဇာတ်ဇာတ်လမ်းတွဲမှာ ပြန်ပြီး သရုပ်ဆောင်မှာဖြစ်တဲ့အတွက် လည်း ပရိသတ်တွေအားလုံးက စိတ်လှုပ်ရှားနေကြပါတယ်။

ကျန်းမာရေးအခြေအနေ ကောင်းမွန်လာတာကြောင့် အနုပညာလှုပ်ရှားမှုလေးတွေ ပြန်လုပ်လာတာလို့လည်း ပရိသတ်တွေက သုံးသပ်ထားကြပါတယ်။မင်းသားကြီး Song IL kook က လက်ရှိမှာ အသက် ၅၁ နှစ် ပြည့်သွားပြီဖြစ်ပြီး ဒီကနေ့ကတော့ Song IL kook ရဲ့မွေးနေ့ပဲဖြစ်ပါတယ်။ ပျော်ရွှင်စရာမွေးနေ့လေးဖြစ်ပါစေနော် အမွှာလေးတို့ ဖေဖေရေ ..