တောင်ကိုရီးယားမင်းသား Bae Yong-joon ဟာဆိုရင် Notably ၊ Winter Sonata ၊ April Snow ၊ The Legend စတဲ့ ဇာတ်လမ်းတွဲပေါင်းများစွာနဲ့ အနုပညာလောကမှာ အောင်မြင်မှု များစွာ ရရှိခဲ့ တဲ့သူဖြစ်ပါတယ်။
မြန်မာ ပရိသတ်တွေကြားမှာတော့ Bae Yong-joon ခေါင်းဆောင်မင်းသားအဖြစ် ပါဝင်ထားတဲ့ ဟေမာန်ဆောင်းရဲ့ချစ်သံစဉ် (Winter Sonata) ဇာတ်လမ်းတွဲက အမြဲတမ်းအမှတ်ရနေမယ့် အဖိုးတန် ဇာတ်လမ်းတွဲတစ်ခု ဖြစ်ပါတယ်။
Bae Yong-joon က ၂၀၀၇ ခုနှစ်ကစပြီး အနုပညာလောကကနေ အနားယူခဲ့ကာ စီးပွါးရေးလုပ်ငန်းရှင်အဖြစ် ရပ်တည်ခဲ့တဲ့သူဖြစ်ပါတယ်။ Bae Yong-joon က ရုပ်ရှင်သရုပ်ဆောင်အဖြစ် များစွာအောင်မြင်နေတဲ့သူဖြစ်ပေမယ့် အခုလို ဆုံးဖြတ်ချက်ချလိုက်တာကြောင့် ပရိသတ်တွေက တော်တော်လေး နှမြောခဲ့ကြရပါတယ်။
ချောမောခန့်ညားပြီး တည်ကြည်လွန်းတဲ့ မင်းသား Bae Yong-joon က အနုပညာလောကကနေ အနားယူခဲ့ပြီးနောက် ၂၀၁၅ ခုနှစ်မှာ ချစ်ရသူလေးနဲ့ လက်ထပ်ခဲ့ပါတယ်။ လက်ရှိမှာ မင်းသားကြီးက KeyEast အေဂျင်စီကုမ္ပဏီရဲ့ ဥက္ကဌ ရာထူးကို ရယူထားပါတယ်။