Public Speaking ပြောခြင်းဟာ လူတော်တော်များများအတွက်ခက်ခဲတဲ့ကိစ္စရပ်တစ်ခုပါ။ ကြိုတင်ပြင်ဆင်မှုမရှိဘူးဆိုရင်ပိုပြီးခက်ခဲတတ်သလို တစ်ချို့အတွက်ကတော့ ဘယ်လောက်ပဲကြိုတင်ပြင်ဆင်ထားပါစေ လူတွေရှေ့ရောက်တာနှင့် အဆင်မပြေတော့တာမျိုးလည်းဖြစ်တတ်ပါတယ်။ ဒီလိုဖြစ်ခြင်းက ကြောက်စိတ်ဝင်ပြီး စိတ်လှုပ်ရှားမှုများသွားတာကြောင့်ပါ။
ဒါကြောင့် အဆင်ပြေတဲ့စကားပြောဆိုမှုဖြစ်ဖို့အတွက် နိဒါန်းနှင့်နိဂုံးကို သေချာလုပ်ထားပါ။ အထူးသဖြင့်နိဒါန်းပြောမယ့်အကြောင်းအရာဟာ စကားပြောတစ်လျှောက်လုံးကိုလွှမ်းမိုးသွားနိုင်တာကြောင့် ဂရုစိုက်ဖို့လိုအပ်ပါတယ်။ မလိုအပ်တဲ့အကြောင်းအရာတွေကို ချဲ့ကားပြောပြီးအချိန်ဆွဲခြင်းကလည်း ကောင်းမွန်တဲ့အရာမဟုတ်ပါဘူး။
ကိုယ်ပြောမယ့်အကြောင်းအရာကိုနှုတ်တိုက်အလွတ်ကျက်သွားတာမျိုးထက် သေချာနားလည်သဘောပေါက်ထားပြီး ဆက်တိုက်လေ့ကျင့်ပေးရင် စင်ပေါ်ရောက်ချိန်မှာလည်း သဘာဝကျကျထွက်လာနိုင်မှာဖြစ်ပါတယ်။ ဒါ့အပြင် စိတ်လှုပ်ရှားမှုလျော့စေဖို့အတွက် တစ်ကယ်မစတင်ခင်မှာ တစ်ကြိမ်လောက်ဖြစ်ဖြစ် စင်ပေါ်ကိုသွားပြီး အတည်ပေါက်လေ့ကျင့်တာမျိုးလုပ်သင့်ပါတယ်။
Bong I.T