Katlyn Phipps ဟာ Hinge တွင် သူမနှင့် လိုက်ဖက်တဲ့ ယောက်ျားလေးတစ်ဦးနှင့် မကြာသေးမီက တွေ့ဆုံခဲ့ပြီး နှစ်ဦးစလုံး အဆင်ပြေပြေ ရှိခဲ့ကြပါတယ်။ ဒါပေမယ့် တစ်ရက်မှာတော့ ယောက်ျားလေးထံမှ မက်ဆေ့ချ်တစ်စောင်ဝင်လာတဲ့အချိန်ကစပြီး အရာရာဟာ ပြောင်းလဲခဲ့ပါတယ်။ စာကတော့ သူမနဲ့ ချိန်းတွေ့ချိန်တုန်းက သူဝယ်တိုက်ခဲ့တဲ့ ကော်ဖီအတွက် ၄ ဒေါ်လာ (ပေါင် ၂.၉၇) ပေးပို့ရန် တောင်းဆိုခဲ့တာဖြစ်ပါတယ်။ သူမရဲ့ TikTok အကောင့်တွင် မျှဝေထားတဲ့ ဗီဒီယိုတစ်ခုတွင် Katlyn ဟာ သူ့ရည်းစားနှင့် သူနဲ့ အပြန်အလှန်ပို့ခဲ့ကြတဲ့ စာတွေရဲ့ Screenshot ကိုပြခဲ့ပါတယ်။
သူ့မက်ဆေ့ချ်ကို ပြန်တဲ့အနေနဲ့ သူမက " ဆိုတော့ ငါနိုးလာပြီ။ ဘာလို့ 4$ တောင်းတာလဲ။" သူက " အရင်အပတ်က ကော်ဖီအတူတူသောက်ပြီးကတည်းက ငါနဲ့အတူမနက်စာစားဖို့ ဒုတိယအကြိမ် ဖျက်သိမ်းခံရတော့ ကြည့်ရတာ ငါတို့ဘယ်တော့မှ အတူတူ မတွေ့ကြရတော့ဘူးထင်ပါတယ်။ မင်းဘယ်လိုအကွက်တွေရွှေ့နေတယ်ဆိုတာ ငါနားမလည်တော့ဘူး " ဆိုပြီး စာပြန်ခဲ့ပါတယ်။ နောက်ဆက်တွဲဗီဒီယိုတစ်ခုတွင် Katlyn ဟာ သူမရဲ့ ကော်ဖီအတွက် သူဟာ ပိုက်ဆံပေးခဲ့ပြီး အဲ့ဒီချိန်းတွေ့မှုမှာတော့ အဆင်ပြေပြေရှိခဲ့တယ်လို့ သိရပါတယ်။ အဲ့နောက် သူမအနေနဲ့ သူ့ကောင်လေးဆီပို့တဲ့ မက်ဆေ့ချ်တစ်ခုရဲ့ အခြား screenshot တစ်ခုကို မျှဝေခဲ့ကာ စာထဲမှာတော့ သူမအနေနဲ့ထပ်တွေ့ချင်ပေမယ့်လည်း စာလုပ်ရမှာမို့ ချိန်းမတွေ့နိုင်ကြောင်း ကောင်လေးကိုလည်း နားလည်မှု ရိှဖို့အကြောင်း စသဖြင့် ပြောခဲ့တာဖြစ်ပါတယ်။
နောက်ပိုင်းမှာတော့ သူမဟာ သူနဲ့ထပ်ချိန်တွေ့ဖို့ သဘောတူပေမယ့် သူမအနေနဲ့ ဘယ်တော့မှ ချိန်ေတွ့ဖို့ မမေးဘူးလို့ ပြောပါတယ်။ သူမရဲ့ ဇာတ်လမ်းကို မျှဝေပြီးကတည်းက သူမရဲ့ ဗီဒီယိုတွေကို ကြည့်ရှုသူ အကြိမ်ရေ 300,000 ကျော်ရှိခဲ့ပြီး လူတွေက Katlyn ကို မှတ်ချက်တွေ ပေးခဲ့ကြပါတယ်။ အသုံးပြုသူ တစ်ယောက်ကတော့ "ကျွန်တော်သာဆို သူ့ကို 8$ ပေးလိုက်ပြီး 'ကုိယ်ကျင့်စရုိက်ေလး ၀ယ်ပါ' လို့ပြောခဲ့တယ်"။ သို့သော် အခြားတစ်ဖက်တွင် အချို့သောအသုံးပြုသူများဟာ ကဲ့ရဲ့စွာ ရေးသားခဲ့ကြပါတယ်။ "ငါဆိုလိုတာက မင်းတစ်ယောက်ယောက်ကို ခံစားချက်မရှိရင် သူတို့ကိုပြောပြသင့်တယ်" တစ်ယောက်က ညွှန်ပြပြီး နောက်တစ်ယောက်ကလည်း "ဘာဖြစ်လို့လဲ၊ မင်းကိုယ်ပိုင်ကော်ဖီအတွက် ပိုက်ဆံမပေးနိုင်ဘူးလား" ဆိုပြီးပြောခဲ့ကြပါတယ်။
သတင်း အရင်းအမြစ်៖ Lad Bible