ရေကစားသူတွေနှင့် ရေအောက်လေ့လာသူတွေအတွက် နိဗ္ဗာန်ဘုံတစ်ခုလို့သတ်မှတ်ကြတဲ့ ဘားဟားမားကမ်းခြေတွေမှာ အမျိုးမျိုးသောအကြောင်းပြချက်တွေနှင့်နာမည်ကြီးကြပါတယ်။ ဒါပေမဲ့ Harbour ကျွန်းစုမှာရှိတဲ့ ကမ်းခြေတွေကသဲသောင်ပြင်တွေဟာ ပန်းရောင်သဲသောင်ပြင်တွေရှိနေတာကြောင့် တစ်ခြားနေရာတွေထက်ပိုပြီးနာမည်ကြီးပါတယ်။
ဒီကျွန်းပေါ်ကသဲတွေဟာ တစ်ခြားနေရာကသဲတွေ လိုမျိုးအဝါရောင်ဖြစ်နေတာမဟုတ်ဘဲ ပန်းရောင်လေးတွေဖြစ်နေတာကြောင့် အတော်လေးထူးခြားတာဖြစ်ပါတယ်။ အစောပိုင်းမှာတော့ ဒီလိုပန်းရောင်ဖြစ်ရတာဟာ သဲထဲကတစ်ချို့သတ္တုတွေကြောင့်လို့ ယူဆထားကြပေမဲ့ နောက်ပိုင်းမှာတော့ သေချာတဲ့အဖြေကိုရှာတွေ့ခဲ့ကြပါတယ်။ Foraminifera လို့ခေါ်တဲ့ ပန်းရင့်ရောင်သက်ရှိအဏုဇီဝအကောင်တစ်မျိုးကြောင့် အခုလိုမျိုး သဲတွေဟာပန်းရောင်ဖြစ်နေတာဖြစ်ပါတယ်။
ဒီအကောင်လေးတွေအပြင် သဲအတွင်းမှာနေထိုင်တဲ့တစ်ချို့ကောင်လေးတွေကြောင့်လည်းသဲပြင်ဟာပန်းရောင်ဖြစ်နေတာဖြစ်ပါတယ်။ ကမ္ဘာပေါ်မှာပန်းရောင်သဲသောင်ပြင်တွေရှားပါးတာကြောင့် ဒီကမ်းခြေဟာတစ်ခြားကမ်းခြေတွေထက်ပိုပြီးနာမည်ကြီးပါတယ်။ ပန်းရောင်သဲတွေကိုသေချာတွေ့ချင်ရင် ဒီဇင်ဘာကနေ မေလအတွင်းမှာသွားရောက်လည်ပတ်သင့်ပါတယ်။
Bong I.T