စိတ်ကလေးအဆင်မပြေဖြစ်လာရင် ပြုလုပ်သင့်သည့် အရာ ၆ မျိုး

https://s9.kh1.co/95/95a849027edc127af28bfd94b2588fc6f3b158f0.jpeg
ကျန်းမာရေးနှင့် အလှအပရေးရာ
 02-Nov-2021 8am · a year ago

စိတ်ကလေးအဆင်မပြေဖြစ်လာရင် ပြုလုပ်သင့်သည့် အရာ ၆ မျိုး

လူသားတွေဖြစ်တဲ့အတွက် ပျော်ရွှင်မှုတွေ၊ဝမ်းနည်းမှုတွေကိုမကြုံချင်ရင်လည်း ကြုံရမှာဖြစ်ပါတယ်။စစ်မှန်တဲ့ပျော်ရွှင်မှု ဖြစ်ဖို့အတွက် နည်းလမ်းကောင်းတွေလိုသလို ဝမ်းနည်းလာတဲ့အခါမှာလည်း ဝမ်းနည်းမှုကို သေသေချာချာကိုင်တွယ်တတ်ဖို့အရေးကြီးပါတယ်။

Photo Credit - Google
Photo Credit - Google

၁။ငိုချလိုက်ပါ။

ကိုယ်ရင်ထဲမှာခံစားရတာတွေကို အပြင်ကိုဖွင့်ချလိုက်ပါ။မျက်ရည်မကျဘူးဆိုပြီး အံတင်းမထားပါနဲ့။ဝမ်းနည်းမှုကို ဖြေလျော့ဖို့အတွက် သင်ကြိုက်နှစ်သက်ရာနည်းကို အသုံးပြုပြီး ငိုချပါ။တစ်ချို့ဆို အခန်းတံခါးပိတ်ပြီး ငိုတာမျိုး၊တိတ်ဆိတ်တဲ့နေရာသွားပြီး ငိုတာမျ်ိုးကို ပြုလုပ်သင့်ပါတယ်။မျက်ရည်ကျတယ် ငိုတယ်ဆိုတာ တကယ်တော့ အရှုံးပေးတာမျိုးမဟုတ်ပါဘူး။ဒါကြောင့် လွတ်လွတ်လပ်လပ်ငိုချလိုက်ပါ။

Photo Credit - Google
Photo Credit - Google

၂။ကိုယ့်ရဲ့ခံစားချက်တွေကို ချရေးပါ။

ကိုယ်ဘာကြောင့်ဝမ်းနည်းစေတာလဲ၊ဘယ်အကြောင်းအရာက ကိုယ့်ကိုဝမ်းနည်းစေလဲဆိုတာကို စာအုပ်ထဲမှာ ကိုယ်ခံစားသမျှအရာအားလုံးကို ချရေးပါ။ဒီလိုချရေးခြင်းအားဖြင့် စိတ်ထဲမှာ သိမ်းထားရတဲ့အစိုင်အခဲတွေ တစ်နည်းအားဖြင့် ပြေလျော့သွားစေပြီး ကိုယ့်ရဲ့ဝမ်းနည်းမှုကို သက်သာလာစေမှာ ဖြစ်ပါတယ်။

Photo Credit - Google
Photo Credit - Google

၃။ရေနွေးနွေးလေးနဲ့ရေချိုးပါ။

ကိုယ့်စိတ်ကအဆင်မပြေတာ၊ဝမ်းနည်းလာတာမျိုးဖြစ်ပြီး ကိုယ့်စိတ်တွေ ညစ်ညူးလာတယ်ဆိုရင် ရေနွေးနွေးလေးနဲ့ ရေချိုးကြည့်ပါ။ကိုယ့်ကို ဝမ်းနည်းစေတဲ့အကြောင်းအရာကို တစ်ချိန်လုံးမတွေးမိတော့ပဲ ကိုယ်ဟာ လတ်ဆတ်တဲ့ ရနံ့လေးတွေကြောင့် စိတ်ကို သက်သာလာစေမှာ ဖြစ်ပါတယ်။

Photo Credit- Google
Photo Credit- Google

၄။Relax Music လေးတွေနားထောင်ပါ။

ဝမ်းနည်းနေတဲ့အချိန်မှာ အဆွေးသီချင်းတွေနားထောင်တာထက်စာရင် စိတ်ကို ငြိမ်သက်စေမယ့် Relax ဖြစ်စေမယ့် music လေးတွေရှာနားထောင်ကြည့်ပါ။

Photo Credit - Google
Photo Credit - Google

၅။တိရစ္ဆာန်လေးတွေနဲ့အချိန်ကုန်ဆုံးပါ။

ကိုယ်ဟာ အထီးကျန်လို့ ဝမ်းနည်းတာပဲ ဖြစ်ဖြစ် စိတ်အဆင်မပြေလို့ ဝမ်းနည်းနေတဲ့အခါမှာ ကိုယ့်ရဲ့အိမ်မွေးတိရစ္ဆာန်လေးနားသွားပြီး သူနဲ့စကားပြောကြည့်ပါ။သူ့ကိုပွေ့ဖက်ပါ။အထိုက်အလျောက်တော့ ဝမ်းနည်းမှုကို သက်သာစေမှာ ဖြစ်ပါတယ်။

https://s9.kh1.co/__image/w=650,h=342,q=100/cc/cca534f8542258ec794af6cac8214f74ff6247d5.jpeg

၆။အနားယူပါ။

ဝမ်းနည်းလာတယ်ဆိုရင် ကိုယ့်ကိုယ်ကို အပြစ်မတင်ပဲ ငါဒီနေ့တော့ ဝမ်းနည်းနေတယ်ဆိုတာကို လက်ခံလိုက်ပါ။အတင်းကြီးလည်း ပျော်ဖို့မကြိုးစားပါနဲ့။နောက်ပြီးတော့ ဘာမှမတွေးပဲ ဝမ်းနည်းမှုကို အတိုင်းအတာတစ်ခုထိလွှတ်ထားပေးပါ။ကိုယ့်ကိုယ်ကို ပြန်ချော့လိုက်ပါ။နောက်ပြီးရင်တော့ အိပ်ရေးဝအောင် အိပ်ပါ။ဖော်ပြခဲ့တဲ့အချက်လေးတွေကို လိုက်လုပ်ကြည့်ပြီး ကျန်းမာပျော်ရွှင်တဲ့နေ့ရက်လေးတွေကို ပိုင်ဆိုင်နိုင်ပါစေလို့ ဆုတောင်းပေးလိုက်ပါတယ်။

Hsu Ei Khin
Arche

ဆက်စပ်သတင်း