ကောင်းကောင်းအိပ်ပျော်စေဖို့အတွက် လိုက်နာသင့်သည့် အချက်ငါးချက်

လူသားတွေရဲ့တစ်နေ့တာမှာ အိပ်စက်ခြင်းဟာလည်း အရမ်းအရေးပါပါတယ်။ညကို ကောင်းကောင်းအိပ်ပျော်ဖို့လည်း အရမ်းအရေးကြီးသလို နှစ်နှစ်ခြိုက်ခြိုက်အိပ်ပျော်ဖို့လည်း ဖြစ်ဖို့လိုပါတယ်။ကိုယ်က ညတွေအိပ်မပျော်ဘူးဆိုရင် အလွယ်တကူ အိပ်ဆေးသောက်ပြီး အိပ်တတ်ကြပါတယ်။ဆေးတွေက တကယ်တော့ ရေရှည်သုံးစွဲဖို့မသင့်ပါဘူး။ဒါကြောင့် ကိုယ်က ညအိပ်မပျော်ဘူးဆိုရင် ဒီနည်းလမ်းလေးတွေကို လိုက်လုပ်ကြည့်ဖို့ ဖော်ပြပေးလိုက်ပါတယ်။

၁။ညအိပ်ယာမဝင်ခင်မှာ ဖုန်းကို ဘယ်နှစ်နာရီီထိိိ သုံးမယ်ဆိုပြီး ကန့်သတ်ထားပါ။

ကျွန်တော်တို့ဟာ အိပ်ယာထဲဝင်လိုက်တာနဲ့ဖုန်းကိုပါတစ်ပါးတည်းယူဆောင်သွားတတ်ကြပါတယ်။ဖုန်းထဲမှာ စိတ်ဝင်စားစရာတစ်ခုတွေ့လိုက်တာနဲ့ ကျွန်တော်တို့ဟာ လက်မလွှတ်ပဲ ကြည့်ရင်းကြည့်ရင်း အိပ်မပျော်တာတွေ ဖြစ်လာနိုင်ပါတယ်။ဒါကြောင့် ညအိပ်ရာမဝင်ခင်မှာ ဖုန်းကို အချိန်တစ်ခုထိထားပြီး သေချာသတ်မှတ်လိုက်ပါက ညအိပ်မပျော်ခြင်းမှ ကင်းဝေစေမှာ ဖြစ်ပါတယ်။

၂။အခန်းကို ​အေးအေးလေးဖြစ်အောင်ထားပါ။

ပူလွန်းရင် ကျွန်တော်တို့ ညအိပ်မပျော်တာတွေဖြစ်တတ်ပါတယ်။ဒါကြောင့် ကိုယ်အိပ်မဲ့အိပ်ယာခင်းတွေက ပူအိုက်တတ်တဲ့အမျိုးအစားတွေ မခင်းဖို့ အကြံပြုချင်ပါတယ်။

၃။ရှုသွင်းရှုထုတ်လုပ်ကြည့်ပါ။

ကိုယ်က ညတွေကို အိပ်မပျော်တတ်ဘူးဆိုရင် ကုတင်ပေါ်မှာ သက်တောင့်သက်သာ လဲလျောင်းတာပဲ ဖြစ်ဖြစ်၊ထိုင်တာပဲ ဖြစ်ဖြစ် အသက်ရှုတာကို ပုံမှန် ရှုသွင်း၊ရှုထုတ်လုပ်ကြည့်လိုက်ပါ။ခနနေရင် နှစ်ခြိုက်စွာအိပ်ပျော်စေမှာ ဖြစ်သလို စိတ်ကိုလည်းပေါ့ပါးသွားစေမှာ ဖြစ်ပါတယ်။

၄။အတွေးမလွန်ပါစေနဲ့။

ညအိပ်မပျော်ဘူးဆိုတာ တစ်ခါတစ်လေ တောင်တွေး၊မြောက်တွေးနဲ့ အတွေးလွန်ပြီး အိပ်မပျော်တတ်တာတွေ ရှိပါတယ်။ဒါကြောင့် ညအိပ်ရာဝင်တော့မယ်ဆိုရင် ဘာမှမတွေးပါနဲ့။ကိုယ့်စိတ်ကို ပေါ့ပါးအောင် နေ့စဥ်ဘဝမှာ နေထိုင်ကြည့်ပါ။

၅။ကိုယ်လက်လေ့ကျင့်ခန်းပုံမှန်ပြုလုပ်ပေးပါ။

ဒါက ကိုယ့်ရဲ့ကျန်းမာရေးကိုလည်း အထောက်အကူပြုစေသလို ကိုယ့်ရဲ့ညအိပ်ပျော်ခြင်းမှာလည်း အများကြီး အထောက်အကူဖြစ်စေတာကြောင့်မို့ ကိုယ်လက်လေ့ကျင့်ခန်းကို ပုံမှန်ပြုလုပ်ပေးသင့်ပါတယ်။