သစ်တောလို့ပြောလိုက်တာနှင့်အပင်စိမ်းစိမ်းတွေအများကြီးရှိပြီး နွယ်ပင်တွေ ပြည့်နေတဲ့နေရာမျိုးကိုပဲဆိုလိုကြတာဖြစ်ပါတယ်။ ဒါပေမဲ့ တရုတ်နိုင်ငံ ယူနနန်ပြည်နယ်မှာရှိတဲ့ ဒီတောအုပ်ကတော့ အစိမ်းရောင်အပင်တွေရှိနေတဲ့တောအုပ်မဟုတ်ဘဲ ကျောက်တုံးတွေနှင့်ကျောက်သားတွေအမျိုးမျိုးရှိနေတဲ့ တောအုပ်ပဲဖြစ်ပါတယ်။
ဒီတောအုပ်ထဲကကျောက်ဆောင်တွေဟာ ထူးခြားတဲ့ပုံပန်းသွင်ပြင်တွေရှိပြီးတော့ နေရာတစ်ခုလုံးမှာအပြည့်ဖြစ်နေတာဖြစ်ပါတယ်။ ကျောက်တောင်တွေဟာအမြင့်ကြီးတွေဖြစ်ပြီးတော့ အခက်အလက်တွေထွက်နေတဲ့ပုံလိုမျိုး ချွန်ထွက်နေတာတွေရှိသလို မြေပြင်မှာပဲရှိနေတဲ့ကျောက်ဆောင်တွေလည်းအများကြီးရှိနေပါတယ်။
ဒီကျောက်တုံးသစ်တောဟာ လွန်ခဲ့တဲ့နှစ်ပေါင်းများစွာတုန်းကတည်းက ဖြစ်တည်လာခဲ့တဲ့နေရာဖြစ်ပြီးတော့ တိုက်စားမှုတွေကြောင့် အခုလိုမျိုးပုံစံအမျိုးမျိုးရှိနေတဲ့သစ်တောအုပ်ကြီးဖြစ်လာတာဖြစ်နိုင်ပါတယ်။ လက်ရှိအချိန်မှာတော့ ကျောက်တုံးသစ်တောကိုခရီးသွားတွေသွားရောက်လည်ပတ်နိုင်ပြီးတော့ လေ့လာမှုတွေလုပ်နိုင်ပါတယ်။
Bong I.T