ငါးရှဥ့်နှင့်တူတယ်လို့သတ်မှတ်ကြတဲ့ ဒီငါးတွေဟာ မျှော့နှင့်တူတဲ့ကိုယ်ထည်အပြင် တိကျတဲ့မျက်လုံးမျက်နှာမရှိတာကြောင့် ကြောက်စရာကောင်းတဲ့ငါးအဖြစ်လူသိများပါတယ်။ သူတို့ဟာ ကမ္ဘာတစ်ဝှမ်းကရေအေးတွေမှာနေထိုင်ကြပြီးတော့ အစာအာဟာရအဖြစ် အသေကောင်တွေနှင့် ငါးအသေးစားလေးတွေကိုစားသောက်ကြပါတယ်။
ဒီငါးဟာ ဆောင်းခိုနိုင်တဲ့အစွမ်းရှိတာကြောင့်အစာမစားဘဲလနှင့်ချီနေနိုင်တဲ့အပြင် အစာစားပြီးသွားရင်ရေအောက်သဲတွေထဲကိုကျင်းတူးပြီးဝင်သွားလေ့ရှိပါတယ်။ အကျိအချွဲတွေများပြီးတော့ သူတို့ရဲ့ရှည်လျားတဲ့အမြီးတွေကိုသုံးပြီးတော့ သားကောင်ကိုညှစ်ဖမ်းကြလေ့ရှိပါတယ်။
ဒီငါးတွေဟာ သူတို့ရဲ့အရေပြားကနေတစ်ဆင့်အစာအာဟာရတွေကိုစုပ်ယူနိုင်စွမ်းလည်းရှိပြီးတော့ အရိုးမဲ့ငါးလည်းဖြစ်ပါတယ်။ သူတို့မှာမေးရိုးမရှိသလို ကျောရိုးလည်းမရှိပါဘူး။ Hagfish တွေဟာ ပင်လယ်ရေအောက်ကြမ်းပြင်က အသေကောင်တွေကိုစားသုံးပေးကြတာကြောင့် သဘာဝရဲ့ဂေဟစနစ်ထဲမှာ အတော်လေးအရေးပါတယ်လို့သတ်မှတ်နိုင်တဲ့အကောင်တွေပဲဖြစ်ပါတယ်။
Bong I.T