ရွှေရောင်ဖားတွေဟာ အသွင်အပြင်အရကြည့်မယ်ဆိုရင် အတော်လေးမြင်ရခဲပြီးတော့လှပတဲ့ဖားအမျိုးအစားဖြစ်ပါတယ်။ တစ်ကိုယ်လုံးနီးပါး အဝါရောင်တောက်တောက်ဖြစ်ပြီးတော့ အနက်ရောင်နှင့်အစိမ်းရောင်သန်းတဲ့ကိုယ်ထည်ကိုပိုင်ဆိုင်ထားတဲ့ ဒီဖားဟာအမှန်တော့ အဆိပ်အပြင်းဆုံးဖားမျိုးစိတ်ဖြစ်ပြီးတော့ ကြောက်စရာကောင်းတဲ့အဆိပ်တွေကိုပိုင်ဆိုင်ထားတာဖြစ်ပါတယ်။
သိပ္ပံနာမည် Phyllobates terribilis လို့သတ်မှတ်ထားတဲ့ဒီရွှေရောင်ဖားတွေဟာ နာမည်နှင့်တင် ဘယ်လောက်ကြောက်စရာကောင်းတဲ့ဖားမှန်းသိရတာဖြစ်ပါတယ်။ သူရဲ့အဆိပ်တွေဟာ နေထိုင်ကျက်စားရာဒေသနှင့်အစားအစာတွေအပေါ်မူတည်ပြီးပြောင်းလဲတာမျိုးရှိနိုင်ပေမဲ့ အဆိပ်ပြင်းထန်မှုကတော့ တူညီပါတယ်။ သူ့ရဲ့ ပျမ်းမျှအဆိပ်ပမာဏဟာ လူဆယ်ယောက်ကိုအသက်သေဆုံးတဲ့အထိဖြစ်သွားစေနိုင်တာဖြစ်ပါတယ်။
ဒါပေမဲ့ ဒီလိုပြင်းထန်တဲ့အဆိပ်ရှိနေပေမဲ့ ရွှေရောင်ဖားတွေဟာ မျိုးသုဥ်းပျောက်ကွယ်ဖို့စိုးရိမ်နေရတဲ့မျိုးစိတ်ဖြစ်နေဆဲဖြစ်ပါတယ်။ သူတို့ဟာ နေထိုင်ရာဒေသတွေရှားပါးလာမှု အစာရေစာပြတ်လပ်မှုနှင့်လူသားတွေရဲ့နယ်မြေချဲ့ထွင်မှုတွေကြောင့် အကောင်ရေနည်းပါးလာပြီးတော့ ထိန်းသိမ်းဖို့လိုအပ်နေတဲ့မျိုးစိတ်တွေဖြစ်ပါတယ်။