အနီရောင် အဝါရောင်နှင့် တစ်ခြားအရောင်တွေစုံနေပြီးတော့ သက်တံ့လိုမျိုးဖြစ်နေတဲ့ ကျောက်တောင်ကြီးတွေရှိတဲ့ Zhangye အမျိုးသားဥယျာဥ်ဟာ တရုတ်နိုင်ငံရဲ့နာမည်ကြီးနေရာတစ်ခုဖြစ်ပါတယ်။ ပန်းချီကားချပ်တစ်ခု ဒါမှမဟုတ် လူတွေတစ်မင်ဖန်တီးထားတယ်လို့တောင်ထင်မြင်ရတဲ့ ဒီတောင်ကုန်းတွေဟာ အမှန်တော့ သဘာဝတရားကနေပြီး လုံးဝဖြစ်တည်လာခဲ့တဲ့နေရာတွေဖြစ်ပါတယ်။
ဒီကျောက်တောင်တွေဟာ နှစ်ကာလအဆက်ဆက် ရေမြေတိုက်စားမှုနှင့်ပြောင်းလဲမှုတွေကြောင့်အခုလိုမျိုးအရောင်စုံဖြစ်လာရတာဖြစ်ပါတယ်။ လွန်ခဲ့တဲ့နှစ်ပေါင်း ၄၀ မီလီယံလောက်ကတည်းက ဒီလိုအရောင်စုံတဲ့ကျောက်တောင်တွေဖြစ်လာနိုင်ဖို့အတွက် ကျောက်သားတွေဟာပြောင်းလဲမှုတွေဖြစ်တည်ခဲ့ရတယ်လို့ဆိုပါတယ်။ ဒါ့အပြင် ဒီကျောက်တောင်အများစုဟာ သဲကျောက်တွေဖြစ်နေတာကြောင့် အရောင်ပိုတောက်ပြီးတော့ လှနေတာဖြစ်ပါတယ်။
နေသာပြီးတော့ တိမ်ကင်းတဲ့နေ့တွေမှာဆိုရင်Zhangye ဥယျာဥ်ဟာလုံးဝအရောင်မျိုးစုံတောက်ပနေပြီးတော့ စိတ်ကူးယဥ်ကမ္ဘာထဲကနေရာလိုမျိုးဖြစ်နေတယ်လို့ဆိုပါတယ်။ မိုးရွာတဲ့အချိန်နှင့်မိုးအုံ့ချိန်တွေမှာတော့ ကျောက်တောင်တွေရဲ့အရောင်ဟာညိုမှိုင်းသွားတာကြောင့်အလည်သွားဖို့အဆင်မပြေပါဘူး။ ဒီဥယျာဥ်ဟာတရုတ်နိုင်ငံရဲ့နာမည်ကြီးခရီးသွားနေရာတစ်ခုဖြစ်ပြီးတော့ ဧည့်သည်တွေအများကြီးကိုဆွဲဆောင်နိုင်တဲ့နေရာဖြစ်ပါတယ်။
Bong I.T