နာမည်ကြီးအိုင်ဒေါရှိုးပြိုင်ပွဲကနေပွဲဦးထွက်ခွင့်ရခဲ့ပြီးတော့ Wanna One အဖွဲ့ဝင်အနေနှင့် အောင်မြင်မှုအကြီးကြီးတွေကိုပိုင်ဆိုင်ခဲ့ရတဲ့ လိုင်ကွမ်းလင်းဟာကင်မရာရှေ့အလုပ်တွေကနေအနားယူတော့မှာဖြစ်ကြောင်း ကြေညာလာခဲ့ပါတယ်။ လိုင်ကွမ်လင်းဟာ အဖွဲ့သက်တမ်းကုန်သွားပြီးနောက်မှာ တရုတ်ဖက်မှာမင်းသား အဆိုတော်တစ်ယောက်အနေနှင့်လှုပ်ရှားနေခဲ့တာဖြစ်ပါတယ်။ အသက်ငယ်သေးချိန်မှာ အောင်မြင်ခဲ့တာကြောင့် ဖိအားတွေအများကြီးကိုလည်းခံစားနေခဲ့ရပုံပေါ်ပါတယ်။
အိုင်ဒေါမဟုတ်တော့တဲ့နောက်ပိုင်းမှာ သူဟာ မင်းသားတစ်ယောက်အဖြစ်နာမည်ကြီးဇာတ်ကားတော်တော်များများကိုရိုက်ကူးခဲ့ပါတယ်။ ဒါပေမဲ့ အများပိုင်နေရာမှာဆေးလိပ်သောက်တာကိုမိသွားကစပြီး သတင်းသမားတွေဟာသူ့နောက်ကိုအမြဲလိုက်နေခဲ့ကြပါတယ်။ နောက်ပိုင်းမှာ ချစ်သူဖြစ်သူနှင့်ပုံတွေပေါ်ထွက်လာပြီးတော့ ပရိတ်သတ်တွေကိုအလေးထားပုံမရဘူးဆိုတဲ့ဝေဖန်မှုတွေအများကြီးခံခဲ့ရပါတယ်။
အခုလိုကင်မရာရှေ့ကအလုပ်ကိုမလုပ်တော့ဘူးဆိုတာက မင်းသားတစ်ယောက် အဆိုတော်တစ်ယောက်လိုမျိုးမလုပ်တော့ဘူးလို့ဆိုလိုတာဖြစ်ပြီး အနုပညာလောကကနေအပြီးတိုင်အနားယူသွားမှာတော့မဟုတ်ပါဘူး။ အရင်ကတည်းကဇာတ်လမ်းတိုဒါရိုက်တာလုပ်ခဲ့ဖူးတာကြောင့် ဒါရိုက်တာအနေနှင့်ဆက်ပြီးလုပ်ကိုင်သွားတာဖြစ်နိုင်တယ်ဆိုပြီးခန့်မှန်းထားကြပါတယ်။ ပရိတ်သတ်တွေကတော့ အခုလိုသူ့ရဲ့ရုတ်တရက်အနားယူမှုကိုအံ့ဩနေကြသလို ထိတ်လန့်တုန်လှုပ်နေကြဆဲလည်းဖြစ်ပါတယ်။
Bong I.T