ဆံပင်ကျွတ်ခြင်းဟာ စိတ်ပိုင်းဆိုင်ရာ ရုပ်ပိုင်းဆိုင်ရာထိခိုက်မှုတွေကို ဖြစ်စေပြီးတော့ မကောင်းတဲ့သက်ရောက်မှုတွေကိုဖြစ်စေပါတယ်။ အထူးသဖြင့် အသက်ကြီးလာတဲ့အမျိုးသားတွေဟာ ရှေ့ဆံပင်ကျွတ်တာကို အထူးတလည်ခံရလေ့ရှိပါတယ်။ နဖူးပြင်အစပ်နားက ဆံပင်တွေဟာအလွယ်တကူကျွတ်တတ်တဲ့အပြင် ပြန်ပေါက်ဖို့အချိန်ကြာလေ့ရှိတာကြောင့် ဂရုစိုက်ပေးဖို့လိုအပ်ပါတယ်။
ဆံပင်ပုံသွင်းတဲ့ အပူချောင်းတွေ အပူလိပ်တွေဟာ ဆံပင်ကိုဆိုးဆိုးဝါးဝါးပျက်စီးစေနိုင်တဲ့အရာတွေဖြစ်ပါတယ်။ ဆံပင်အခြောက်ခံချိန်မှာလည်း အပူချိန်မြင့်မြင့်မှာအခြောက်ခံတာမျိုးမလုပ်ဘဲ အတတ်နိုင်ဆုံးအပူမသုံးမိအောင်သတိထားသင့်ပါတယ်။ ဆံပင်ကိုဆီထည့်ရင်လည်း အပူပေးထားတဲ့ဆီတွေကို ရှောင်ပြီးတော့ အအေးခံထားတဲ့ဆီ ဒါမှမဟုတ် ရိုးရိုးဆီကိုပဲသုံးသင့်ပါတယ်။
အစားအသောက်ကို ဆံပင်ပြန်ပေါက်စေဖို့အကူအညီဖြစ်စေတဲ့ ဓာတ်တွေပါဝင်တဲ့အစားအသောက်တွေစားပြီးတော့ ဆံသားကျွတ်နှုန်းကိုနှေးသွားအောင်လုပ်နိုင်ပါတယ်။ ဆံပင်ဖြီးတဲ့အချိန်နှင့် ပုံသွင်းချိန်တို့မှာ ဆံသားကိုငြင်ငြင်သာသာကိုင်တွယ်ပေးတာကလည်း ဆံသားပြတ်တောက်တာကိုကာကွယ်ပေးနိုင်ပါတယ်။ ဒါ့အပြင် ဆံသားကျန်းမာရေးကိုကာကွယ်ဖို့အတွက် နေပူထဲသွားရင် ဦးထုပ်ဆောင်းတာ အကာအကွယ်တွေယူသွားတာမျိုးလုပ်သင့်ပါတယ်။
Bong I.T