Glenfinnan Viaduct ဟာစကော့တလန်နိုင်ငံရဲ့ပထမဆုံးဖောက်လုပ်ခဲ့တဲ့မီးရထားလမ်းပိုင်းတစ်ခုဖြစ်ပဲဖြစ်ပါတယ်။ မီးရထားလမ်းကြီးဟာ ၁၈၉၀ ခုနှစ်မှာစတင်ဖောက်လုပ်ခဲ့ပြီး စကော့တလန်နိုင်ငံရဲ့အရှည်ဆုံး မီးတစ်ထားလမ်း ပိုင်းကြီးတစ်ခုလည်းဖြစ်ပါတယ်။ အဆိုပါမီးရထားလမ်းပိုင်းကြီးဟာစကော့တလန်နိုင်ငံ၊ Glenfinnan ဒေသ၊ West Highland Line မှာရှိပြီး အနောက်စကော့တလန်ကုန်းမြင့်၊ Loch Shiel ရဲ့ထိပ်ပိုင်းဒေသမှာရှိပါတယ်
ရှေးကျသောမီးရထားလမ်းပိုင်းကြီးတစ်ခုဖြစ်တဲ့ ဒီလမ်းပိုင်းကြီးဟာ ရှေးဟောင်းလက်ရာတစ်ခုဖြစ်သလို လမ်းပိုင်းကြီးရဲ့အောက်တွင်တော့ ပြွန်ခေါင်းကြီးကဲ့သို့အပေါက်များဖြင့် တည်ဆောက်ထားပါတယ်။ ချိုင့်ကြမ်းပြင်မှ ၃၀ မီတာအထက်တွင်ရှိနေပြီး ပထမဆုံးကွန်ကရစ်ဖြင့်ဆောက်လုပ်ထားကာ Grade A အဆင့်ရှိအဆောက်အဦးတစ်ခုလည်းဖြစ်ပါတယ်။ Glenfinnan Viaduct ကိုချိုင့်ဝှမ်းတစ်လျောက် ပစ္စည်းများသယ်ယူရန်အတွက် စတာလင်ပေါင် ၁၈၉၀၀ ကျော်ကုန်ကျခံကာတည်ဆောက်ခဲ့ကြောင်းသိရပါတယ်
Fort William နဲ့ Mallaig တို့ကိုဆက်သွယ်ထားတဲ့ အဆိုပါမီးရထားလမ်းပိုင်းဟာ ၁၈၀၀ ပြည့်လွန်နှစ်များ အတွင်း ဒေသတွင်းငါးဖမ်းလုပ်ငန်းများနဲ့ အခြားကုန်စည်ပို့ဆောင်ရေလုပ်ငန်းများအတွက် အရေးပါတဲ့ သွေးလွှတ်ကြောကြီးတစ်ခုဖြစ်နေပါတယ်။ လမ်းပိုင်းကြီးဟာHarry Potter ဇာတ်ကားအပါအဝင်အခြားသောဇာတ်ကားများရဲ့ဇာတ်ဝင်ခန်းများစွာမှာပါဝင်ရိုက်ကူးခံထားရပြီးပိုမိုထင်ရှားလာခဲ့ပါတယ်။ကမ္ဘာလုံးဆိုင်ရာအင်ဂျင်နီယာတို့ရဲ့အောင်မြင်မှုတစ်ခုဖြစ်တဲ့ Glenfinnan Viaductဟာနှစ်စဉ်လာရောက်လည်ပတ်သူ ၃၃၀၀၀၀ ခန့်အထိဆွဲဆောင်ထားနိုင်တဲ့နာမည်ကြီးခရီးသွားနေရာများမှတစ်ခုပဲဖြစ်ပါတယ်