ဖခင်နှစ်ဦးကနေပေါင်းစပ်ပြီး မွေးလာတဲ့ကြွက်ပေါက်လေးကို သိပ္ပံပညာရှင်များက ဓါတ်ခွဲခန်းမှာ အောင်မြင်စွာမွေးဖွားနိုင်ခဲ့ကြပါတယ်။
ဒီဖြစ်စဉ်မှာ ဖခင်တစ်ယောက်ရဲ့ဆဲလ်ကနေ မျိုးဥတွေအဖြစ် ပြောင်းလဲဖန်တီးပြီး အခြားဖခင်တစ်ယောက်ရဲ့ သုက်ပိုးနဲ့ပေါင်းစပ်ပေးခြင်းအားဖြင့် ကြွက်သားပေါက်ကလေးတွေ အောင်မြင်စွာဖန်တီးနိုင်ခဲ့ကြတာ ဖြစ်ပါတယ်။ ဒီဖြစ်စဥ်ကို တော်လှန်ပြောင်းလဲမှုဖြစ်စဉ် (revolutionary)လို့ခေါ်ဆိုကြပါတယ်။အခု သုတေသနဟာ လက်ရှိအချိန်မှာတော့ proof of concept ခေါ်တဲ့ သီအိုရီအယူအဆကို သက်သေပြတဲ့ အဆင့်မှာပဲ ရှိပါသေးတယ်။ လက်ရှိအချိန်မှာ လူသားတွေအတွက် အသုံးပြုနိုင်ဖို့ကတော့ အဝေးကြီး လိုသေးတယ်လို့ သိရပါတယ်။
လူအများ လက်ခံနိုင်မှု အခက်အခဲ ရှိနိုင်တာနဲ့ ကိုယ်ကျင့်တရား ဆိုင်ရာစဉ်းစားရမယ် အချက် (ethical consideration) အစရှိတာတွေလဲ ပါဝင်ပါတယ်။ ဒါပေမယ့် တဖက်ကလဲ အခုသုတေသန အောင်မြင်မှုဟာ မျိုးဆက်ပွားခြင်း ဆိုင်ရာနဲ့ ပါတ်သက်ပြီး အခွင်းအလမ်း ကောင်း အများအပြားပေါ်ပေါက်လာစေနိုင်မှာ ဖြစ်ပါတယ်။ အထူးသဖြင့် ကျား-ကျား ခြင်း ချစ်ခင်ကြသူအမျိုးသားစုံတွဲများအတွက် မမျိုးဥမလိုအပ်ပဲ ကလေးရနိုင်ဖို့ အခွင့်အလမ်းရလာနိုင်စေမှာ ဖြစ်ပါတယ်။
Bong I.T