ကမ္ဘာပေါ်မှာ တိရိစ္ဆာန်မျိုးစိတ်သစ်တွေ ရှာဖွေတွေ့ရှိထားသလို မျိုးတုန်းပျောက်ကွယ်သွားတဲ့ တိရိစ္ဆာန်တွေလည်း များစွာရှိပါတယ်။ လူဦးရေတိုးပွားလာမှုနှင့် မြို့သစ်တိုးချဲ့တည်ဆောက်မှုတို့ကြောင့် တိရိစ္ဆာန်အများစုက နေထိုင်ကျက်စားစရာဒေသ ရှားပါးလာပါတယ်။ ကုန်းပေါ်ကတိရိစ္ဆာန်တွေအတွက်သာမဟုတ်ဘဲ သမုဒ္ဒရာကြမ်းပြင်က တိရိစ္ဆာန်တွေအတွက်လည်း ကျက်စားရာဒေသတဖြည်းဖြည်းရှားပါးလာပါတယ်။ ရေနံ၊ သဘာဝဓာတ်ငွေ့နှင့် သတ္တုတူးဖော်ရေးလုပ်ငန်းတွေက သမုဒ္ဒရာအောက်ခြေရှိ တိရိစ္ဆာန်တွေကို နေရာဒေသ ရှားပါးစေပါတယ်။
ပစိဖိတ်သမုဒ္ဒရာ အလယ်ပိုင်းနှင့် အရှေ့ပိုင်းမှာ CCZ ခေါ် သတ္တုပေါကြွယ်ဝတဲ့ ဒေသတစ်ခုရှိပါတယ်။ အဆိုပါဒေသဟာ ၂.၃ မီလီယံ စတုရန်းမိုင် ကျယ်ဝန်းပြီး အိန္ဒိယနိုင်ငံအရွယ်အစားထက် နှစ်ဆလောက်ကျယ်ပါတယ်။ အရင်ကဒီနေရာဟာ သမုဒ္ဒရာအတွင်းရှိ အမြင့်မြတ်ဆုံးတောရိုင်းဒေသတွေထဲက တစ်ခုဖြစ်ပါတယ်။ နောက်ပိုင်းမှာ သတ္တုတူးဖော်ရေးအတွက်ပိုင်းခြားထားပြီး အခုချိန်မှာ စာချုပ် (၁၇) ခုလောက်ချုပ်ဆိုထားတယ်လို့ သိရပါတယ်။
အဆိုပါသတ္တုတူးဖော်တဲ့နေရာတွေဟာ များစွာသောသက်ရှိတွေရဲ့ နေထိုင်ကျက်စားရာအိမ်ဖြစ်ကြောင်း သုတေသီတွေကဖော်ပြခဲ့ကြပါတယ်။ အဆိုပါဒေသမှာ တိရိစ္ဆာန်မျိုးစိတ်သစ်ပေါင်း ၅၅၇၈ မျိုးကိုရှာဖွေတွေ့ရှိခဲ့ကြောင်း အချက်အလက်တွေနဲ့တကွ သုတေသီတွေကဖော်ပြခဲ့ကြပါတယ်။ တွေ့ရှိခဲ့တဲ့မျိုးစိတ်ရဲ့ ၈၈ ရာခိုင်နှုန်းမှ ၉၂ ရာခိုင်နှုန်းဟာ သုတေသီတွေအတွက် လုံးဝအသစ်အဆန်းဖြစ်နေကြောင်းလည်း ဖော်ပြထားခဲ့ပါတယ်။
မျိုးစိတ်သစ်ရှာဖွေထိန်းသိမ်းရေးဌာနတွေကတော့ အဆိုပါနေရာကို သဘာဝတရားအတိုင်းထိန်းသိမ်းပြီး မျိုးစိတ်တွေကို အသေးစိတ်ဆက်လက်လေ့လာဖို့ ကြိုးပမ်းနေကြပါတယ်။
Bong I.T