လူတွေရဲ့ခန္ဓာကိုယ်မှာ ကပ်ပါးကောင်မြောက်များစွာရှင်သန်နေထိုင်ကြပါတယ်။ လူတွေကိုအကျိုးပြုတဲ့ကပ်ပါးကောင်းတွေရှိသလို သေစေနိုင်လောက်တဲ့ထိ အန္တရယ်ဖြစ်စေနိုင်တဲ့ ကပ်ပါးကောင်တွေလည်းရှိပါတယ်။ ဒီထဲကမှ ယားယံမှုတွေကိုဖြစ်ပေါ်စေပြီး လူတွေကိုအန္တရယ်ဖြစ်နေနိုင်တဲ့ စကေဘီကပ်ပါးကောင်တွေလည်း အပါအဝင်ဖြစ်ပါတယ်။
စကေဘီကပ်ပါးကောင်တွေဟာ အလွန်သေးငယ်တဲ့အတွက် သာမန်မျက်လုံးနှင့်မမြင်နိုင်ဘဲ အဏုကြည့်မှန်ပြောင်းနဲ့သာ မြင်နိုင်တာဖြစ်ပါတယ်။ အဆိုပါပိုးမွှားလေးတွေဟာ လှုပ်ရှားမှုမြန်ဆန်ပြီး လူတစ်ယောက်နဲ့တစ်ယောက်ထိတွေ့ခြင်းမှလွယ်ကူစွာ ကူးစက်သွားလာနိုင်ပါတယ်။ ဒီကပ်ပါးကောင်တွေဟာ လူဦးရေထူထပ်တဲ့မိသားစု သို့မဟုတ် အသိုင်းအဝိုင်းတွေကို ဒုက္ခပေးတတ်ပါတယ်။ လူတွေမှာဆိုရင် စကေဘီကောင်တွေစွဲကပ်ခံရပြီး နှစ်လအတွင်းမသိသာပေမယ့် နောက်ပိုင်းမှာ ယားယံမှုတွေအပြင် ဆိုးရွားတဲ့အဖုအပိန့်တွေအထိဖြစ်သွားနိုင်ပါတယ်။
စကေဘီကပ်ပါးကောင်တွေက လူတွေရဲ့အရေပြားအောက်မှာ ဥဥပြီးမျိုးပွားခြင်းအပါအဝင် သူတို့ရဲ့ဘဝစက်ဝန်းအတိုင်းရှင်သန်နေထိုင်ကြပါတယ်။ လူတစ်ယောက်ရဲ့ခန္ဓာကိုယ်ထဲမှာ သူတို့ဟာ (၁-၂) လအထိ အသက်ရှင်နိုင်ပေမယ့် လူတစ်ယောက်ရဲ့ခန္ဓာကိုယ်အတွင်းမှာမဟုတ်ဘူးဆိုရင် (၄၈-၇၂) နာရီထက် ပိုပြီးမရှင်သန်နိုင်ပါဘူး။ ဒါ့အပြင် အပူချိန် ၅၀ ဒီဂရီမှာ ဆယ်မိနစ်ကြာထားရင် ကပ်ပါးကောင်တွေက သေဆုံးသွားနိုင်ပါတယ်။
Bong I.T