အပြာ၊ ခရမ်း၊ အပန်းစတဲ့အရောင်အဆင်းတွေနဲ့ ပေါ်တူဂီစစ်စစ်သင်္ဘောရေခူတွေဟာ အရမ်းလှပနေတယ်ဆိုတာ ငြင်းလို့မရပါဘူး။ ဒီလိုလှပတဲ့အရောင်အဆင်တွေရှိနေပေမယ့် သူတို့မှာမထင်ထားရလောက်တဲ့ အဆိပ်တွေလည်းရှိနေပါတယ်။ ဒါကြောင့် သူတို့အနားကိုသွားမကပ်မိဖို့တောင် သတိပေးထားကြပါတယ်။
သူတို့နာမည်အတိုင်းပဲ ကိုယ်ထည်ပေါ်က လေအိတ်ဟာ ရာစုနှစ်များစွာအကြာက စစ်သင်္ဘောတွေနဲ့ ခပ်ဆင်ဆင်ဖြစ်နေပါတယ်။ အဆိုပါလေအိတ်မှာ ဓာတ်ငွေ့အပြည့်အဝရှိနေပြီးတော့ ရေပေါ်မှာပေါလောပေါ်နိုင်ဖို့အတွက် အသုံးပြုကြပါတယ်။ လေအိတ်က ရေပေါ်မှာပေါလောပေါ်နိုင်အောင်ကူညီပေးနိုင်ပေမယ့် သူတို့အမြန်နှုန်းကိုတော့ သိသိသာသာလျော့ကျစေပါတယ်။ အမြန်နှုန်းလျော့ကျလာတဲ့အတွက် ရေစီးအတိုင်းလိုက်ပါလာပြီး မကြာခဏဆိုသလို ကမ်းပေါ်မှာ လွင့်စင်သွားတတ်ပါတယ်။
ပေါ်တူဂီစစ်သင်္ဘောရေခူတွေရဲ့ အန္တရာယ်အများဆုံးအပိုင်းကတော့ ပျမ်းမျှအားဖြင့် ( ၃၀-၁၆၅) ပေလောက်ရှည်တဲ့ သူတို့ရဲ့လက်တွေပါ။ NOAA ရဲ့အဆိုအရ သူတို့ရဲ့လက်မှတစ်ဆင့် အဆိပ်တွေကိုထုတ်ပေးပြီး ဒီအဆိပ်တွေက သေးငယ်တဲ့ငါးတွေနှင့် ပုဇွန်ဆိတ်တွေကို သေစေနိုင်ပါတယ်။ လူနှင့်တိရစ္ဆာန်တွေဟာ သေဆုံးပြီးရင် ပုပ်ပွသွားရုံမှအပ ဘာမှဖြစ်မနေပေမယ့် ဒီအပြာရောင်ရေခူရဲ့အဆိပ်ဟာ သေဆုံးပြီးသားသတ္တဝါတွေရဲ့ ကိုယ်ပေါ်မှာတောင် သူတို့ရဲ့အဆိပ်က အဖုအပိန့်တွေအဖြစ် ပျံ့နှံ့နေဆဲဖြစ်ပါတယ်။
သိပ္ပံပညာရှင်တွေက သူတို့ကို သကြားလုံးရောင်ဂြိုလ်သားလို့ တင်စားထားပြီး မထိမကိုင်မိဖို့အတွက်လည်း သတိပေးထားပါတယ်။
Bong I.T