သိပ္ပံပညာရှင်တွေရဲ့ လေ့လာချက်တွေအရ ကျီးကန်းတွေဟာ ကျွန်တော်တို့ လူသားတွေရဲ့ မျက်နှာကို မှတ်မိနိုင်ပြီး အထူးသဖြင့် သူတို့ကို အန္တရာယ်ပြုဖို့လုပ်တဲ့ သူတွေဆိုရင် ပိုပြီးမှတ်မိကြတယ်လို့ ဆိုပါတယ်။ ဆိုလိုတာက သူတို့ ကို ချစ်ကြတဲ့ သူတွေနှင့် မုန်းကြတဲ့ သူတွေကို ကောင်းရင်ကောင်းသလို ဆိုးရင်ဆိုးသလို ပြန်လည်တုံ့ပြန်ကြတာ ဖြစ်ပါတယ်။
ဒီစမ်းသပ်ချက်ကို ဝါရှင်တန်တက္ကသိုလ်မှ သတ္တဗေဒပညာရှင် John Marzluff ဦးဆောင်တဲ့ သုတေသနအဖွဲ့က ကျီးကန်း ၁၅ ကောင်းကို လှောင်အိမ်ထဲမှာ ပိတ်လှောင်ထားခဲ့ပြီးနောက် မတူတဲ့ နေရာ ၅ နေရာမှာ ရောဘာမျက်နှာဖုံးမတူတာတွေတပ်ပြီး လွှတ်ပေးခဲ့ပါတယ်။
အဲ့ဒီနောက် မျက်နှာဖုံးတွေကို ကျီးကန်းတွေ ဘယ်လို့ တုံ့ပြန်မလဲဆိုတာကို စမ်းသပ်ခဲ့ကြပါတယ်။ ပထမနှစ်အပတ်မှာ ရန်သူ့မျက်နှာဖုံးတွေတပ်ထားတဲ့ ပညာရှင်တွေ ကြုံတွေ့ခဲ့ရတာက ကျီးကန်းတွေရဲ့ တုံ့ပြန်တဲ့ ၂၆ ရာခိုင်နှုန်းလောက်က သူတို့ရဲ့ အတောင်ပံတွေကို ထပ်ခါတလဲလဲ တဖြန်းဖြန်းရိုက်ခတ်ပြီး ကြမ်းကြမ်းတမ်းတမ်း ဆူပူကြိမ်းမောင်းခဲ့ကြပါတယ်။ တစ်ခါတစ်ရံမှာ ကျီးကန်းတွေက အုပ်စုလိုက် ငုပ်လျှိုးပြီး ထိုးဆိတ်ဟန်ပြုခဲ့ကြပါတယ်။
နောက်တစ်နေ့မှာ မတူတဲ့ အခြားမျက်နှာဖုံးများကို တပ်ဆင်လိုက်တဲ့ အခါမှာ ကျီးကန်းတွေက ပုံမှန်အတိုင်း ဘာမှမတုံ့ပြန်ဘဲ ကြည့်ပဲကြည့်ခဲ့ကြပါတယ်။ အဲ့လို စမ်းသပ်ခဲ့ပြီး ၃ နှစ်ကျော်လောက်မှာ ကျီးကန်းတွေရဲ့ ရန်ငြိုးထားခြင်းခံရတဲ့ လူတွေက ၆၆ ရာခိုင်နှုန်းလောက်ရှိခဲ့ပါတယ်။
ကျီးကန်းတွေက ဉာဏ်ရည်ထက်မြတ်တဲ့ တိရစ္ဆာန်တွေထဲမှာလည်း ပါဝင်ပြီး သူတို့ရဲ့ မျက်လုံးက အရမ်းကို လျင်ပါတယ်။ သူတို့ရဲ့ သားကောင်ပဲ ဖြစ်ဖြစ် ရန်သူပဲဖြစ်ဖြစ် အဝေးကနေ ကောင်းစွာမြင်ရနိုင်စွမ်းရှိကြပါတယ်။ ပြီးတော့ တစ်ကောင်တည်းထက် အုပ်စုဖွဲ့ နေရတာကို ကြိုက်နှစ်သက်ကြပါတယ်။
သတင်း အရင်းအမြစ်៖ Source - thefactsite