မေလ ၁၉ ရက်နေ့က ဩတြေးယျကျွန်းတစ်ကျွန်းနားမှာ ပြင်းအား ၇.၃ မက်ဂနီကျုအထိရှိတဲ့ ငလျင်တစ်ခုလှုပ်ခတ်သွားခဲ့ပါတယ်။ပြင်းအား ၇ ထိတောင်ကျော်သွားခဲ့လို့ တော်တော်ကြီးတဲ့ငလျင်လို့ပြောနိုင်ပါတယ်။အနောက်တောင် ပစိဖိတ်ပင်လယ်ထဲမှာ ဗဟိုပြုခဲ့တဲ့ငလျင်ဟာ ည ၈ နာရီ ၄၉ မိနစ်အချိန်မှာ စတင်လှုပ်ခတ်ခဲ့တာဖြစ်ပါတယ်။
ငလျင်ရဲ့အချင်းဟာ ၂၉.၃ ကီလိုမီတာထိရှိခဲ့ကာ ဩစတြေးယျနဲ့တော့အနည်းငယ်ဝေးတယ်ဆိုနိုင်ပေမဲ့ နယူးဇီလန်နဲ့တော့ တော်တော်လေးကပ်နေခဲ့လို့ နယူးဇီလန်နိုင်ငံမှာ ဆူနာမီသတိပေးချက်ပါ ထုတ်ပြန်ခဲ့ပေမဲ့နောက်နာရီအနည်းငယ်အကြာမှာတော့ သတိပေးချက်ကို ပြန်လည်ရုတ်သိမ်းခဲ့ပါတယ်။ဩစတြေးယျအတွက်တော့ ဆူနာမီသတိပေးချက်ထုတ်ပြန်တာမျိုးမရှိခဲ့ပါဘူး။
ငလျင်ဟာ ဩစတြေးယျတိုက်နားက တက်စ်မားနီးယားကျွန်းနဲ့ ၁၆၀၀ ကီလိုမီတာဝေးတဲ့ မက်ကွေးရိစ်ကျွန်းကိုဗဟိုပြုပြီး လှုပ်ခတ်ခဲ့တာပါ။အဆိုပါကျွန်းရဲ့အောက်ခြေဟာ ဩစတြေးယျမြေပြတ်ကြောနဲ့ ပစိဖိတ်မြေပြတ်ကြောတို့ ပေါင်းစုံရာနေရာမှာရှိပြီး မကြာခဏမြေကြောပြတ်ရွေ့မှုတွေရှိနေတတ်တဲ့နေရာပါ။အဲ့ဒါကြောင့်ငလျင်ခဏခဏလှုပ်တတ်ပြီး နောက်ဆက်တွဲအနေနဲ့ ဆူနာမီလှိုင်းကြီးတွေပါ ပေါ်ပေါ်လာတတ်ပါတယ်။