Jennie ဟာအရင်ကတည်းက ဖက်ရှင်နယ်ပယ်မှာ လွှမ်းမိုးမှုတွေအများကြီးရှိတဲ့သူဖြစ်ပါတယ်။ အဝတ်အထည်ကစလို့ အသုံးအဆောင်ပစ္စည်းတွေအကုန်လုံးမှာ လွှမ်းမိုးမှုရှိတဲ့ ဂျင်းနီဟာ မကြာသေးခင်က နာမည်ကြီးမျက်မှန်ဘရန်းတစ်ခုဖြစ်တဲ့ Gentle Monster နှင့် ပူးပေါင်းပြီး မျက်မှန်ဒီဇိုင်းအသစ်တစ်ခုထုတ်ခဲ့ပါတယ်။
ဒီမျက်မှန်ဟာ ပရိတ်သတ်တွေကြားမှာ အတော်လေးနာမည်ကြီးနေခဲ့တာဖြစ်ပြီးတော့ ဂျင်းနီနှင့်ရင်းနှီးတဲ့သူတွေဆီကိုလက်ဆောင်ပေးခဲ့တာကြောင့် ဆိုရှယ်မီဒီယာမှာပါရေပန်းစားနေခဲ့တာဖြစ်ပါတယ်။ တရားဝင်မရောင်းခင်ကတည်းက ဝယ်ချင်တဲ့အဆမတန်များနေတဲ့ မျက်မှန်တွေဟာ စတင်ရောင်းချတဲ့နေ့မှာကြောက်စရာကောင်းလောက်အောင် ရောင်းခဲ့ရတာပါ။
ဒါ့အပြင် ဒီမျက်မှန်ကိုဝယ်ဖို့အတွက် Gentle Monster စတိုးရှေ့မှာတန်းစီနေတဲ့လူတန်းကြီးဟာ အံ့ဩဖို့ကောင်းအောင်ရှည်လျားနေခဲ့ပါတယ်။ တစ်ချို့တွေဟာဆိုရင် ဆိုင်ရှေ့မှာညအိပ်ဖို့ပါပြင်ဆင်ပြီးစောင့်နေခဲ့ကြတာပါ။ Gentle Monster ရဲ့တရားဝင်ဝက်ဘ်ဆိုဒ်ဟာလည်းအရောင်းစတင်ဖွင့်တဲ့အချိန်မှာပဲ ဝင်ရောက်သူများလွန်းတာကြောင့် လိုင်းကျမှုပါဖြစ်သွားခဲ့ရပါသေးတယ်။ ဒါတွေဟာဂျင်းနီရဲ့အောင်မြင်မှုနှင့် လူသိများမှုကိုထင်ထင်ရှားရှားပြနေတဲ့ဖြစ်ရပ်တွေပဲဖြစ်ပါတယ်။
Bong I.T