လက်ရှိအချိန်ပြဿနာတွေအများကြီးနှင့်ရင်ဆိုင်နေရတဲ့ HYBE ဟာ ကုမ္မဏီရဲ့လက်ရှိအအောင်မြင်ဆုံးဖြစ်တဲ့ Seventeen ရဲ့ Comeback ကိုသေချာဂရုမစိုက်ပေးတာကြောင့် အတော်လေးဝေဖန်ခံနေရတာဖြစ်ပါတယ်။ အထူးသဖြင့် ဒီအယ်လ်ဘမ်ဟာ တစ်ခြားအနုပညာရှင်တွေရတဲ့အခွင့်အရေးကိုတောင်မှ မရခဲ့တာပါ။ ပုံမှန်အားဖြင့် Album အတွက် Music Video ကို ထုတ်လွှင့်ချိန်မတိုင်ခင် မိနစ်သုံးဆယ်မှာစတင်ပြီးအကြိုထုတ်လွှင့်ပေးလေ့ရှိပါတယ်။
ဒီလိုလုပ်ခြင်းဟာ ကြည့်ရှုသူများစေဖို့အတွက်အထောက်အကူဖြစ်တာကြောင့် ကေပေါ့အဖွဲ့တိုင်းနီးပါးလုပ်ကြတဲ့အရာပါ။ ဒါပေမဲ့ Seventeen အဖွဲ့ရဲ့ Maestro MV ဟာ premier မရှိဘဲ ချက်ချင်းပဲထုတ်လွှင့်ခဲ့တာဖြစ်ပါတယ်။ ဒါ့အပြင် Seventeen ဟာ Physical Sale အပိုင်းမှာ အတော်လေးအားသာတဲ့အဖွဲ့တစ်ဖွဲ့ဖြစ်ပါတယ်။ ဒီလိုအဖွဲ့ရဲ့ album ကို Store တွေမှာလုံလောက်စွာထားပေးထားခြင်းမရှိတဲ့အပြင် ဆိုင်တွေမှာရောင်းကုန်သွားတဲ့အချိန် Stock ကိုလည်း အချိန်မီပြန်ဖြည့်ပေးတာမျိုးမလုပ်ခဲ့ပါဘူး။
နောက်ဆုံးအနေနှင့် အယ်လ်ဘမ်ဈေးဟာ အတော်လေးမြင့်နေတာကြောင့် အရင်ကလိုမျိုးအများကြီးရောင်းရမှာမဟုတ်ဘူးလို့ထင်နေခဲ့ကြတာပါ။ ဒါပေမဲ့ Seventeen ကတော့ ဒီလိုအခက်အခဲတွေကြားကနေပဲ အယ်လ်ဘမ်ကို အချပ်ရေ 2 မီလီယံကျော်ရောင်းရပြီးတော့ လက်ရှိအချိန်ထိလည်းဆက်ရောင်းနေရဆဲပဲဖြစ်ပါတယ်။ ဒါ့အပြင် သီချင်းဟာလည်း ဂီတဇယားတွေမှာ ထိပ်ပိုင်းကနေနေရာယူနေပြီးတော့ အဖွဲ့ရဲ့အောင်မြင်မှုကို သက်သေပြနေပါတယ်။