ကမ်းခြေမှာ ရိုက်ကူးနိုင်မယ့် Pre Wedding အတွက်အိုင်ဒီယာများ

ကမ်းခြေနှင့်ပင်လယ်ရဲ့အလှဆုံးအချိန်ဖြစ်တဲ့ ညနေခင်းနေဝင်ဆည်းဆာအချိန်တွေမှာ မျက်နှာချင်းဆိုင်ပြီးရိုက်ထားတဲ့ပုံလေးကလည်း ရှုခင်းကြောင့်လှနေတဲ့ပုံလေးဖြစ်ပါတယ်။ အမှတ်တရဖြစ်စေမယ့်ပုံလေးဖြစ်သလို Pre Wedding ပုံအနေနှင့်သင့်တော်တဲ့ပုံလေးဖြစ်ပါတယ်။ 

အလှဆုံးဆည်းဆာချိန်မှာ ဒီလိုနောက်ကျောကိုအသားပေးပြီးရိုက်ကူးထားတဲ့ပုံကလည်း အတော်လေးလှတဲ့အိုင်ဒီယာဖြစ်ပါတယ်။ စိတ်ကူးယဥ်ဆန်တဲ့ခံစားချက်ကိုဖြစ်စေသလို ကြည့်လိုက်တိုင်းအမှတ်တရဖြစ်စေမယ့်ပုံလေးဖြစ်ပါတယ်။ 

လူငယ်စုံတွဲလေးတွေအရိုက်များတဲ့အိုင်ဒီယာဖြစ်ပါတယ်။ ကမ်းခြေအနီးအနားကကျောက်ဆောင်တွေပေါ်မှာ အခုလိုမျိုးသဘာဝဆန်ဆန်ပုံစံလေးရိုက်ထားခြင်းဟာပေါ့ပါးပြီးချစ်စရာကောင်းတဲ့ပုံလေးဖြစ်စေပါတယ်။ 

ကျောက်ဆောင်တွေ ရေလှိုင်းတွေပါဝင်တဲ့ဒီလိုပုံမျိုးကလည်း ရိုက်ကူးရခက်ကောင်းခက်နိုင်ပေမဲ့ တစ်ကယ်ကိုအမှတ်တရဖြစ်စေမယ့် ပုံလေးပဲဖြစ်ပါတယ်။ 

ကမ်းခြေရဲ့သဲသောင်ပြင်တွေပေါ်မှာ မီးရှူးမီးပန်းလေးတွေထွန်းပြီးရိုက်ကူးတဲ့ ပုံတွေကလည်း အမှတ်တရဖြစ်စေသလို ပုံကောင်းလေးတွေအများကြီးထွက်လာစေနိုင်ပါတယ်။ နတ်သမီးပုံပြင်လိုမျိုးခံစားချက်ကိုပါဖြစ်စေနိုင်တဲ့ အိုင်ဒီယာဖြစ်ပါတယ်။ 

ရေအိုင်လိုမျိုးနေရာလေးမှာ ပုံရိပ်တွေပါတစ်ပါတည်းပေါ်နေတဲ့ ဒီလိုအိုင်ဒီယာကလည်း တစ်ကယ်ကိုမိုက်တဲ့ပုံလေးပါ။ နေရာရှာရခက်နိုင်ပေမဲ့ ဒီလိုပုံမျိုးသာရိုက်ကူးနိုင်မယ်ဆိုရင် အလှဆုံးနှင့်အမိုက်ဆုံး Rre Wedding ပုံကိုပိုင်ဆိုင်နိုင်မှာဖြစ်ပါတယ်။ 

ကမ်းခြေနှင့်လိုက်ဖက်တဲ့ သောင်ပြင်ပေါ်မှာပြေးလွှားတဲ့ပုံကလည်း မပါမဖြစ်ပါပဲ။ အတူလက်တွဲရင်းပြေးနေတဲ့ ဒီလိုပုံရိပ်တွေဟာ ရိုက်ကူးသင့်တဲ့ပုံတွေပါ။ 

ကမ်းခြေရဲ့အဓိကအရာတွေဖြစ်တဲ့ သဲသောင်ပြင်နှင့်လှိုင်းတွေပါဝင်တဲ့ ဒီလိုပုံလေးတွေကလည်း သေချာပေါက်ကြိုးစားကြည့်သင့်တဲ့ ပုံတွေဖြစ်ပါတယ်။ လှလှပပမထွက်လာရင်တောင် အမှတ်တရတွေတော့အများကြီးကျန်ရစ်နေနိုင်မယ့်ပုံရိပ်တွေဖြစ်ပါတယ်။