သူငယ်ချင်းအုပ်စုတွေထဲမှာ ရှိတတ်တဲ့သူများ

The Mom

သူငယ်ချင်းတွေအားလုံးနှင့်ခင်မင်ပြီးတော့ တစ်ခုခုဆိုရှေ့ကနေဦးဆောင်ပေးအားပေးတတ်တဲ့သူဖြစ်ပါတယ်။ ဒီလိုလူရှိတဲ့သူငယ်ချင်းအုပ်စုဟာ စကားများတာ ရန်ဖြစ်တာမျိုးသိပ်မရှိပါဘူး။ စိတ်အခန့်မသင့်ရင်တောင်မှ ဒီလိုသူငယ်ချင်းကနေတစ်ဆင့်အလွယ်တကူပဲပြန်ပြေလည်သွားလေ့ရှိပါတယ်။ 

The Connector

ဒီလိုလူကလည်း အုပ်စုအတွင်းမှာလူများလာအောင်နှင့် သူငယ်ချင်းအုပ်စုစတင်ဖြစ်လာအောင် လုပ်တတ်တဲ့သူတွေဖြစ်ပါတယ်။ ဒီလိုသူငယ်ချင်းတွေပါဝင်တဲ့အုပ်စုဟာဆိုရင် အမြဲတမ်းလူအသစ်တွေတိုးပြီးတော့ ပျော်ရွှင်စရာကောင်းတဲ့အုပ်စုကြီးဖြစ်တတ်ပါတယ်။

The Planner

ဒီလိုသူတွေကတော့ အုပ်စုအတွက် အစီအစဥ်ဆွဲတာ တိုင်ပင်တာ ဆုံးဖြတ်တာအကုန်လုံးကိုလုပ်ကြတဲ့သူတွေပါ။ သူတို့ဟာ အုပ်စုအနေနှင့်တစ်နေရာရာကိုသွားပြီဆိုတာနှင့် သွားမယ့်နေရာတွေဆုံးဖြတ်တာ ငွေကြေးကောက်ခံတာ ရှင်းလင်းတာလိုမျိုးကိုအလိိုအလျောက်တာဝန်ယူပြီးလုပ်တတ်ကြတဲ့သူတွေဖြစ်ပါတယ်။

The Joker

သူမပါရင် ပွဲမစည်ဖြစ်တတ်တဲ့သူငယ်ချင်းမျိုးဖြစ်ပါတယ်။ အုပ်စုကိုပိုပြီးပျော်လာအောင် ဟာသတွေပြောပေးပြီး အမြဲရီမောနေအောင်လုပ်ပေးတတ်တဲ့သူတွေပါ။ ဒီလိုလူမျိုးတစ်ယောက်လောက်ရှိရင် သူငယ်ချင်းအုပ်စုဟာဘယ်တော့မှပျင်းစရာမကောင်းဘဲ အမြဲတမ်းရီမောနေရမယ့်အုပ်စုဖြစ်လာမှာဖြစ်ပါတယ်။

The Party Animal

ဒီလိုသူငယ်ချင်းမျိုးကတော့ ဘာလာလာပျော်မယ်ဆိုတဲ့သူငယ်ချင်းမျိုးဖြစ်ပါတယ်။ သူငယ်ချင်းတွေကို စိတ်ပေါ့ပါးအောင်လုပ်ပေးပြီးတော့ ဘယ်နေရာမှာမဆိုပျော်လို့ရအောင်ဖန်တီးပေးတတ်ကြတဲ့သူတွေဖြစ်ပါတယ်။ အမြဲတမ်းတက်ကြွနေတတ်တာကြောင့် တစ်ချို့သူငယ်ချင်းတွေအနေနှင့် သူတို့ကိုလိုက်မှီဖို့ခက်ခဲတတ်ပါတယ်။