FCN Entertainment ရဲ့မိန်းကလေးအိုင်ဒေါအဖွဲ့ဖြစ်တဲ့ ဟာ တရားဝင်အဖွဲ့ဖျက်သိမ်းလိုက်ပြီဖြစ်ကြောင်း ကုမ္မဏီကနေစာထုတ်အကြောင်းကြားခဲ့ပါတယ်။ မိန်းကလေး ၇ ယောက်ပါဝင်တဲ့ဒီအဖွဲ့ဟာ အောင်မြင်မှုကြီးကြီးမားမားမရခဲ့ပေမဲ့ အရည်အချင်းပြည့်ဝတဲ့အဖွဲ့အဖြစ်နာမည်ကြီးခဲ့တာပါ။ အခုလိုမျိုးအဖွဲ့ဖျက်သိမ်းလိုက်ရတဲ့အကြောင်းရင်းကိုတော့ဖော်ပြထားခြင်းမရှိပါဘူး။
Remi, Jiwon, Chaerin, Bora, Yuju, May, နှင့် Haeyoon တို့ပါဝင်တဲ့ ဒီအဖွဲ့ဟာ ပွဲဦးထွက်တာသိပ်မကြာသေးပေမဲ့ အခုလိုမျိုးဖျက်သိမ်းလိုက်ဖို့ အဖွဲ့ဝင်တွေနှင့်သဘောတူညီချက်ရပြီးဆုံးဖြတ်ခဲ့တာလို့ဆိုပါတယ်။ အဖွဲ့ဟာ အရည်အချင်းရှိပေမဲ့ ထင်ထားသလောက်အောင်မြင်မှုမရတာအပြင် အဖွဲ့အတွင်းမှာမျှတတဲ့ ဆက်ဆံမှုတွေမရတာကြောင့် အခုလိုမျိုးအဆုံးသတ်သွားတာဖြစ်နိုင်ပါတယ်။
အဖွဲ့ဝင်တွေတစ်ဝက်လောက်က စာချုပ်သက်တမ်းကုန်သွားပြီး ကုမ္မဏီကနေထွက်သွားပြီးတော့ တစ်ချို့ကတော့ ဆက်ပြီးလက်တွဲထားရင်း တစ်ကိုယ်တော်လှုပ်ရှားမှုတွေကို သီးသန့်လုပ်နေကြအုံးမှာဖြစ်ပါတယ်။ ပရိတ်သတ်တွေကတော့ အဖွဲ့ဖျက်သိမ်းမှုကို အတော်လေးဝမ်းနည်းကြပေမဲ့ အဖွဲ့ဝင်တစ်ဦးချင်းစီအောင်မြင်အဆင်ပြေကြဖို့ ဆုတောင်းပေးထားကြပါတယ်။